Tiri bolsam, qazaqqa qyzmet etpeı qoımaımyn!

Álıhan Bókeıhan

Pýtınniń tabysy qansha?

05 aqpan 2024 56
Jýyrda Reseı prezıdenttigine kandıdat retinde tirkelgen Vladımır Pýtın Ortalyq saılaý komısıasyna tabys salyǵy deklarasıasyn tapsyrdy.

OSK málimetinshe, Reseı prezıdenttigine kandıdat jáne qazirgi memleket basshysy Vladımır Pýtın 2017-2022 jyldar aralyǵynda 67,5 mıllıon rúblden astam tabys tapqan.

Pýtınniń saılaýǵa deıingi  alty jyldaǵy tabysynyń jalpy somasy 67 591 875 rúbldi quraıdy. Pýtınniń deklarasıasyndaǵy tabys kózderiniń qatarynda jalaqy, bank salymdary men baǵaly qaǵazdardan túsken tabys, áskerı zeınetaqy jáne múlikti satý bar.

Pýtınniń Sankt-Peterbýrgte bir páteri (77 sharshy metr) men garajy (18 sharshy metr), sondaı-aq úsh kóligi bar.

Onyń 54 416 604,52 rúbldi quraıtyn 10 banktik shoty bar ekeni atap ótildi. Sonymen qatar, Pýtın deklarasıada «Sankt-Peterbýrg banki» AQ 230 aksıasyn kórsetti.

«Múliktik sıpattaǵy mindettemeler» baǵanynda Sankt-Peterbýrgtegi páter (153,7 sharshy metr, shekteýsiz paıdalaný, Máskeý úkimetiniń buıryǵy) jáne kólik turaǵy (18 sharshy metr, shekteýsiz paıdalaný, garaj kooperatıvine múshelik) kórsetilgen.

Sondaı-aq, prezıdenttik saılaýǵa tirkelgen parlamenttik partıalardyń úsh kandıdaty belgili boldy. Olar LDPR basshysy Leonıd Slýskıı, Memlekettik Dýma tóraǵasynyń orynbasary, «Jańa halyq» partıasynyń múshesi Vladıslav Davankov pen Memlekettik Dýmanyń depýtaty (RF Komýnıstik partıasynyń fraksıasy) Nıkolaı Harıtonov. Olar da tabys deklarasıasyn tapsyrady.

Aıta keteıik, Reseı Federasıasynda prezıdent saılaýy 2024 jyldyń 15-17 naýryz aralyǵynda  ótedi.

Foto: RF/TASS
Bul maqala týraly ne oılaısyz?