Qymbat dosym Á.N.-uǵly!
Qarqaraly oıazyna menimen joldas bolyp barǵan Ýtkına hanym qazaq oıýlarynyń sýretin túsirip alyp kelip edi. Sol oıý-órnekteri Tomdaǵy qol óneri komıtetiniń májilisinde kórsetildi. Komıtette oıý mýzeıin ıákı zaman oıý bystabkasyn (kórmesin) ashýǵa sóz bekitildi. Sondaı bystabkalarmen qazaq halqynyń, ásirese qazaq oıýlaryn shyǵarǵan qazaq áıelderiniń esine basqalardyń iltıpat nazaryn súıkimin túsirýge bolar edi dep oılaımyn.
Qazaqta oıý-órnekter - áıel hóneri, aqyndyq, dombyrashylyq - erkek hóneri. Qarqaralyǵa barǵanymnan basymda talaı pylandar týyp tur. Máselen, munda qazaq ánderin jıýshy Anýhın degen bar. Qazaq ánderin jazyp alýǵa sony Qarqaralyǵa jibersek dep turmyz. Tomskide qazaq ánshilerine konsert bergizsek (án salǵyzsaq) degen de oıymyzda bar.
Geografısheskoe obshestýonyń Omski otdelinde qazaq jaıynan hár túrli maǵlumat jıatyn, qazaqtyń ertegi, óleń jáne basqa sol sıaqty nárselerin jıatyn komıssıe ashý máselesin qozǵamaq oıymda bar.
Tomskidegi qolóneriniń komıtetinde qazaq mýzeıin ashýǵa turmyz, oǵan kórseter kómekterin bar ma dep, mýzeıge kerek nárselerdi aıtyp, sizdiń Jaqyp Aqbaev jáne Hasen Aqaev dostaryńyzǵa hat jazdym. Bul týraly sizden de kómek bolmas pa? Kóp-kóp Táńiri jarylqasyn aıtar edim, eger de Torǵaı, Aqmola, Jetisý jáne basqa oblystardaǵy kóńildesterińizge osy is jaıynan hat jazsańyz jáne «Qazaq» gazetasy arqyly osyny jurtqa jaıyp, qulaqtandyrsańyz. Bul is týraly óz pikirińizdi aıtyp hat jazbaǵyńyzdy ótinemin.
Shyn dostyń Grıgorı Potanın.
«Qazaq», 1914.28.02, №52. Orynbor
Derekkóz: Bókeıhan Á. Shyǵarmalary. X tom.-Astana, 2018
Alash.kz ulttyq portaly
