Qazaqstannyń týmasy Erhan Ahanov Sankt-Peterbýrg qalasynda kópirden qulap, sýǵa batyp ketken avtobýs jolaýshylaryna kómek kórsetken. Bul jaıly shetel buqaralyq aqparat quraldary jazyp jatyr, dep habarlaıdy Alash.KZ ulttyq portaly Fontanka.ru portalyna silteme kórsetip otyryp.
Qazaqstanda týǵan Erhan Ahanov 10 mamyr kúni tústen keıin jumystan qaıtyp kele jatqan kezde synǵan qorshaý men batyp bara jatqan avtobýsty kórgen.Ol birden sýǵa súńgimek bolǵan.Alaıda basqa kýágerler ony bul oıynan bas tartýǵa kóndirgen. Keıin Erjan kólikke baryp, bagajdan tross alǵan. Ony qorshaýǵa baılaǵan. Aldymen tross alqyly daǵystandyq sýǵa túsken.
"Jigitter lúkti ashyp, áıeldi shyǵaryp alýǵa árekettene bastady, men oǵan alǵashqy medısınalyq kómek kórsetý úshin júrek massajyn jasaı bastadym. Sý syrtqa shyqqanda áıel tunshyǵyp qaldy. Men ony búıirletin, qaıtadan júrek massajyn jasaı bastadym. Balalardyń biri kómekteske keldi, keýdesin basyp, jasandy tynys alǵyza bastady", - dedi ol.
Turǵyndar taǵy bir jolaýshyny shyǵaryp ala alǵan, Biraq ózge jolaýshylardy qutqarý múmkin bolmaǵan. Arnaıy quraldardyń bolmaýy, áınekti syndyratyn eshteńeniń tabylmaýy da aıaqqa tusaý bolǵan.
Erhan Ahanovtyń óziniń bul áreketin erlik dep sanamaıdy.
Ol Qazaqstanda dúnıege kelgen, biraq sońǵy úsh jyl Sankt-Peterbýrgte turady. Onda kólik júrgizýshi bolyp jumys isteıdi.
