Tiri bolsam, qazaqqa qyzmet etpeı qoımaımyn!

Álıhan Bókeıhan

"Bıshimbaev adamgershilik jaǵynan - nól!". Nazym Qaharman Bıshimbaevtyń "ólimi" jaıly habarlady

11 mamyr 2024 1423

Bıshimbaevtyń burynǵy áıeli Nazym Qaharman buqaralyq aqparat quralyna suhbat berdi. Óz suhbatynda ol «Biz úshin Qýandyq óldi» dep toqeterin aıtty, dep habarlaıdy Alash.KZ ulttyq portaly.

Nazym Qaharman buqaralyq aqparat quralyna suhbat berdi. Óz suhbatynda mınıstrdiń, keıinnen "zektiń áıeli" bolǵandaǵy keshken sezimderi men qıyndyǵy jaıly aıtty.Balalardyń ákesi Qýandyqtan qalaı kóńili sýyp qalǵanyn habarlady:

Onyń ústine Qýandyqtyń jasy 42-de, ol aqyl toqtatqan shyǵar, bárin túsingen shyǵar dep oıladym. Maýsymda (2023) balalar Shymkentke barǵan. Qaıtyp kelgende, áýejaıdan kútip aldym, sol kezde úsheýi maǵan: “Mama, sen durys sheshim qabyldapsyń, ajyrasqanyń durys bolypty” dedi. Jańa jyldyń otyrysta ústeldi tóńkergen, Shymkentte de daý-damaı bolǵan, osynyń bárin kórgen balalardyń kóńili sýyp qaldy. Ákelerimen kezdesýge qulyqty bolmaı, trenırovkam bar, zanátıam bar dep árneni syltaýratyp júrdi, - dedi Nazym Qaharman. 

Conymen qatar, Nazym Qaharman burynǵy jubaıy Bıshimbaevtyń bir kúnniń ishinde abúzerge aınalmaǵanyn, ýaqyt óte kele órshelene túskenin málimdedi: 

- Maǵan “14 jyl osyndaı adammen birge turyp, 3 bala týyp berdińiz, nege erterek ketip qalmadyńyz” dep suraq qoıǵandar boldy. Qýandyq úılengen boıda osyndaı bolǵan joq. Bes jyldan keıin ózgere bastady. Abúzer degen birden kórinbeıdi. Ashýlansa, zattardy laqtyrýdy shyǵardy. Men ol kezde ekinshi balamdy bosanǵan kezim. Balalarymdy alyp qoıam dep qorqytty. Men kónip júre berdim. Ondaı adamdar seniń ózińdi kináli etip qoıady. Sonymen de birneshe jyl óte shyqty. Sodan men trenıńterge qatysyp, kitaptar oqyp,bilim jınadym. Ajyrasý kerek degen sheshimge keldim. Ol 14 jyl boıy abúzer boldy dep aıta almaımyn. Sońǵy 7-9 jyl, múmkin. Ásirese, mınıstr bolǵannan keıin qatty ózgerdi. Ydys-aıaq syldyrlamaı turmaıdy, ondaı ár otbasynda bolady. Biraq bizdiń otbasymyzda urys-janjalǵa tek men ǵana kináli bolyp shyǵatynmyn. Sebebi olar (abúzerler) jaýapkershilikti moıyndaryna almaıdy. Men sol úshin ózimdi rýhanı damytam dep qansha kitap oqydym, trenıńke bardym, ádemi bolyp júrýge tyrystym. Sóıtsem problema mende emes eken. Mende bári durys eken. Endi muny keıin túsindim ǵoı. 2014-2017 jyldary ol qatty stresste júrdi. Uıat bolady degen sóz oǵan júrmeıtin. Adamdardyń kózinshe aıqaılaı salatyn, bir zatty laqtyryp jiberetin. Iá, sol jyldary ol úıde de, jumysta da aınalasyn stresste ustady.

Munymen qosa, Nazym Qaharman Ulysmedia.kz portalyna bergen suhbatynda Bıshimbaevtyń jaqsy maman retinde strategıalyq turǵydan úıreteri kóp bolsa da,  adamgershilik jaǵynan ol kisi “nól” bolǵanyn qadap aıtty. 

Bul maqala týraly ne oılaısyz?