Tiri bolsam, qazaqqa qyzmet etpeı qoımaımyn!

Álıhan Bókeıhan

Qaýlyǵa sáıkes: Álıhan Bókeıhannyń 160 jyldyǵy memlekettik deńgeıde toılanbaýy múmkin

09 sáýir 2024 551

Álıhan Bókeıhannyń 160 jyldyǵy toılanbaýy múmkin. Bul týraly Alash.kz KazTAG saıtyna silteme jasap habarlaıdy. 

«Halqy úshin aıanbaı qyzmet etken kórnekti tulǵalarymyzdy tanytý, olardyń ómir jolyn úlgi retinde keleshek urpaqqa nasıhattaý paryzymyz. Alaıda úkimettiń «Mereıtoılar men ataýly kúnderdi merekeleý týraly» qaýlysyna sáıkes jekelegen tulǵalardyń mereıtoılary alǵashqy 100 jyldyqta – 100 jyldyǵy, odan keıingi 100 jyldyqtarda árbir 25 jylda atalyp ótiledi», - dep jaýap berdi premer – mınıstrdiń orynbasary Tamara Dúısenova, Álıhan Bókeıhannyń 160 jyldyǵyna qatysty depýtattyq saýalǵa.

"Elimizde Álıhan Bókeıhanǵa arnalǵan is-sharalar jyl saıyn uıymdastyrylady, sońǵy úsh – tórt jyldyń kóleminde Álıhan Bókeıhannyń jeke eskertkishteri, bústeri Semeı, Pavlodar qalalarynda, Qaraǵandy oblysynda, kompozısıalyq eskertkishteri Astana, Shymkent, Aqtóbe qalalarynda, Túrkistan oblysynda ornatylǵan",- dedi vıse-mınıstr.

«Belgili tulǵalardyń ómiri men shyǵarmashylyǵyn nasıhattaýǵa arnalǵan aýqymdy sharalardy atalǵan qaýlyǵa sáıkes belgilengen mereıtoılyq jyldarǵa oraılastyryp ótkizý qajet dep esepteımiz», - dep habarlady úkimet basshysynyń orynbasary.

Bul maqala týraly ne oılaısyz?