Jaıyq ózenindegi sý deńgeıi kóterilip jatyr. Qazirgi onyń deńgeıi 8 m 62 sm. Al, onyń qaýipti deńgeıi 8 m 50 sm. Sol sebepti oblysta sý tasqyny qaýpi áli seıilgen joq.
Sýdyń deńgeıi áli de kóterilip, 25 sáýirde 9,5 m-ge deıin jetedi degen boljam bar. BQO TJD resmı ókili Nurjan Tóleýish OKQ brıfıńinde osylaı dep málimdedi.
Oblysqa qosymsha kúsh-quraldar jiberildi. Olar Oral qalasy men 4 aýdanǵa jumysqa jumyldyryldy. 84 eldi mekende Jaıyq jaǵasyn kóterýi, dambalardy nyǵaıtý, qapshyqtardy toltyryp, tóseý jumystary júrip jatyr. Halyqty aralap, qulaqtandyrý jáne adamdardy evakýasıalaý jalǵasyp jatyr. Ótken táýlikte Shaǵan ózeniniń boıyndaǵy Stenovık baý-baqsha seristestiginen 61 adam evakýasıalandy.
"Evakýasıadan bas tartqan adamdar bar. Olar kóbine sýdyń keletinine senbeıdi. Qazirgi ýaqytta májbúrli túrde evakýasıalaý júrgizgen jón dep oılaımyn. Óıtkeni sý taǵy kóteriledi. Qulaqtandyrý teleradıo arqyly ár 2 saǵat saıyn júrgiziledi. SMS jiberý arqyly, áleýmettik jeliler jergilikti BAQ arqyly qulaqtandyrý júrgizilip otyr", – dedi spıker.
24 mektep evakýasıalyq pýnkt retinde isteıdi. Oqýshylar qashyqtan oqyp jatyr.
