Qańtar oqıǵasynan keıin kúdikti retinde ustalǵan Almaty máslıhatynyń depýtaty Qaırat Qudaıbergenniń atasy, Almaty qalasy Alataý aýdandyq Ardagerler uıymynyń tóraǵasy Qabdoldın Qudaıbergen prezıdent Qasym-Jomart Toqaevqa úndeý joldady.
Eske salsaq, Qaırat Qudaıbergenge «Jappaı tártipsizdikti uıymdastyrý jáne qatysý» baby boıynsha aıyp taǵylǵan.
«Almaty qalasynyń basshylary, basqa depýtattar alańda kórinbedi. Al endi, sol Qaıratty qańtar oqıǵasynyń uıymdastyrýshysy retinde qamaýda ustap otyr. Bul quqyq qorǵaý organdarynyń jiberip otyrǵan úlken kemshiligi. Sizdiń Jańa Qazaqstan quramyz dep otyrǵan maqsatyńyzǵa qaıshy. Sot júıesi tek onlaın túrde ótip jatyr, 1937 jylǵy qýǵyn-súrgin zamandy eske túsiredi. Sondyqtan sizden ótinip suraıtynym – ádil sheshim shyǵarýǵa kómektesińiz» delingen Ne Habar Telegram-arnasynda jarıalanǵan ótinish mátininde.
Úndeý astynda jeli qoldanýshylary Qaırat Qudaıbergenniń jazyqsyz qamalǵanyn alǵa tartyp, ony bosatýdy talap etýde.
Eske salsaq, Almaty qalalyq soty Qaırat Qudaıbergendi qamaýda ustaý merzimin eki aıǵa uzartqan.
Derekkóz
