– Zań sózimen aıtqanda raqymshylyq, ıaǵnı sottalýshylarǵa amnıstıa beriledi. Bul – durys sheshim. Qańtar oqıǵasyny bárimizge belgili. Halyq úshin de, el úshin de qıyn jaǵdaı boldy. Shyny kerek, basymyzda mundaı nárse ótpegen. Tipti, sheteldiń ózinde gıbrıdti soǵys bolmaǵan. Quqyqqorǵaý organdary men destrýktıvti toptyń qosylyp, arasyna halyq kirip ketýi – búkil eldi dúriliktirdi. Arasynda halyqtyń beıbit sherýge shyqqany da ras. Biraq sonyń arasynda májbúrli túrde, bilmestikten ekstremızm jasaǵandar da boldy. Olardyń ishine stýdentter, jastar iligip ketti. Keıbiriniń qandaı qylmys, ne istegeni beınejazbalarda da kórinip tur. Olarǵa prezýmsıa qoldaný kerek. Kúmándanyp sottaǵannan góri, raqymshylyq durys. Bárin birdeı sottaǵanymen eshkimge paıdasy joq. Túsinbeı erip ketken qanshama jan bar.
Tártipsizdikterdi uıymdastyrýǵa qatysqan basty aıyptalýshylarǵa, sondaı-aq memleketke opasyzdyq jasaǵan jáne bılikti kúshpen ózgertýge áreket etken aıyptalǵandarǵa raqymshylyq jasalmaıdy. Bul – zań jaǵynan da, moral jaǵynan da, adamı jaǵynan da durys. Sondyqtan Prezıdenttiń bul qadamyn durys sanaımyn.
Aıman Omarova,
«Aqıqat» qoǵamdyq qorynyń basshysy: