Mysaly Almaty Ortalyq meshitiniń Bas ımamy Tóle bı Ospan qajynyń aıtýynsha bizdiń zamanymyzdaǵy harıjıtter (lańkesshiler) – tákfır jáne hıjrat aǵymdary. Bul aǵymdarǵa Qazaqstanda tyıym salynǵan.
“Bulardyń aty aıtyp turǵandaı, negizgi ustanymdary – olarmen bir bolmaǵandardy kápirge shyǵarý. Atap aıtqanda, olardyń túsiniginshe – árbir úlken kúná jasaǵan adam – kápir.
Quranǵa emes, Ata Zańdy basshylyqqa alý – kúpirlik. Mundaı bılikke qarsylyq bildirmegen halyq ta – kápir”, – deıdi ımam.
Imamnyń aıtýynsha din ǵalymdaryna kelsek, atalǵan aǵymdardyń paıymdaýynsha úkimetti jáne halyqty ımansyz demegeni úshin, olar da kápirge jatady.
“Sonymen birge, tákfır jamaǵatynyń oı-pikirin estip, olardyń qataryna qosylmaǵan jáne atalmysh aǵym jetekshisine boıusynýǵa sert bermegen árbir adam – kápir. Al, osy jamaǵatqa kirip, sońynan shyǵyp ketse – mýrtad. Demek, dinnen shyǵýshy. Tákfır aǵymynyń tujyrymy boıynsha, olardyń qatarynan shyqqan adamdy óltirýge ruqsat.
Mine, mundaı senimde shynaıy Islam dininiń jurnaǵy da joq dep tolyqtaı aıtýǵa bolady, – deıdi Tóle bı Ospan.
QMDB ımamy bul sózine Qazaqstannan Chehıaǵa qonys aýdarǵan bir top salafı tákfır jamaǵatyn da dálel qylady.
Ózin synaǵandardy kápir, shaıtan, ibiliske teńegen Bekbolat Tileýhannyń ekstremıstik baǵyttaǵy dinı sózderine baılanysty QR İshki ister mınıstrligi qandaı quqyqtyq baǵa berer eken?!
…
Buǵan deıin Turarbek Qusaıyn Qasym-Jomart Toqaevqa úndeý jarıalap, radıkaldarmen kúreske dep bólingen 300 mlrd teńgeniń esebin suraǵan edi.
Onyń aıtýynsha, osy ýaqytqa deıin dinı ekstremızm jáne terorızmniń aldyn alý degen jeleýmen 300 mlrd teńge jumsalǵan. Onyń 200 mıllıardy Kárim Másimovtiń Premer-mınıstr bolyp turǵan kezinde bólingen. Ol azdaı Másimov Ulttyq qaýipsizdik komıtetin basqaryp turǵan shaǵynda taǵy 100 mıllıardtan astam qarjy bólingen.
“Mysaly Túrkıadaǵy Bekbolat Tileýhan jýrnalıs Nartaı Aralbaıulyna bergen suhbatynda memleketke opasyzdyq jasaý, bılikti kúshpen basyp alý jáne laýazymdyq mindetterin asyra paıdalandy dep aıyp taǵylǵan Kárim Másimovtiń saıasatker retinde erekshe qasıetin baǵalap, jer-kókke syıǵyzbaı maqtady.
Budan shyǵatyn qorytyndy monarhıalyq salafızmdi ańsaǵan Nazarbaev pen onyń áýleti jáne sol saıası jobany júzege asyrǵysy kelgen Kárim Másimov, Qaırat Satybaldy, Bekbolat Tileýhan, Muhamedjan Tazabek sıaqtylar dinı ekstremızmge qarsy baǵyttalǵan 300 mıllıardtan astam halyqtyń aqshasyn, óz bıdaıyn ózine qýyryp, ıaǵnı ortaǵasyrlyq arabı-parsy ıdeologıany qazaqtyń sanasyna tyqpalaý men shyrmaýǵa jumsaǵan ba?! Bul degen kádýilgi qasqyrǵa qoı baqtyrý emes pe?!
Osy faktilerdi alǵa tarta otyryp, quzyrly organdar men memleket basshysynan qamaýdaǵy Kárim Másimovtiń úkimet pen UQK basqarǵan kezindegi ekstremızm-terrorızmge qarsy keshendi kúres baǵdarlamasyna jumsalǵan, ıaǵnı halyqtyń qyrýar aqshasynyń esebin berýin talap etemin”, – degen edi Turarbek Qusaıyn.
Avtor, Jeńisbek Halelov
