Tiri bolsam, qazaqqa qyzmet etpeı qoımaımyn!

Álıhan Bókeıhan

Prezıdent pen Úkimet basshysynyń jumysyna 3 jylda qansha aqsha bólinedi?

22 jeltoqsan 2023 41


Memleket búdjeti aldyn ala úsh jylǵa josparlanatyny belgili. Aaıdyń basynda prezıdent Qasym-Jomart Toqaev 2024-2026 jyldarǵa arnalǵan respýblıkalyq búdjetti bekitken. 2024-2026 jyldarǵa arnalǵan respýblıkalyq búdjette prezıdent pen premer-mınıstrdiń jumysyna qansha qarajat jumsalatyny kórsetilgen. Ulys medıa zerttep kórgen. 



Respýblıkalyq búdjettiń memlekettik sıpattaǵy jalpy shyǵynynda «memleket basshysynyń jumysyn qamtamasyz etý» baǵytynda 2024 jyly 18,4 mlrd teńge jumsalatyny kórsetilgen. Al 2025 jyly bul shyǵyn 15,3 mlrd teńgege azaıady. 2026 jyly 15,3 mlrd teńge deńgeıinde qalady. Bul qarajattyń maqsatty jumsalýyna Prezıdent ákimshiligi jaýapty.




Al Qazaqstan premer-mınıstriniń jumysyn qamtamasyz etý qyzmetterine 2024 jyly 4,3 mlrd teńge bólinedi. Odan bólek premer-mınıstr apparatynyń memlekettik mekemelerdi feldegerlik baılanyspen qamtamasyz etý jónindegi qyzmetterine 1,7 mlrd teńge qarastyrylǵan. 2025 jyly bul shyǵyndar tıisinshe 4,4 mlrd teńge jáne 1,8 mlrd teńgege ulǵaıady. 2026 jylǵy úkimettiń bul baǵyttaǵy shyǵyny 2025 jylǵy deńgeıde qalady.

2024-2026 jylǵy respýblıkalyq búdjet týraly zańnyń túsim, ıaǵnı tabys bóligi 20,1 trln teńgeni quraıdy. Búdjetke negizgi tabys salyq túsiminen keledi (15,7 trln teńge). Tabystyń negizgi kózi – tabys salyǵy, korporatıvti tabys salyǵy, taýar, jumys, qyzmet úshin salynatyn ishki salyqtar, qosymsha qun salyǵy, aksızder jáne taǵy sol sıaqty salyq túrleri.

2024 jyly búdjettiń shyǵyny túsiminen kóp – 23,3 trln teńgeni quraıdy. Iaǵnı, búdjet defısıti 3 trln teńgeden asady.

Bul maqala týraly ne oılaısyz?