Tiri bolsam, qazaqqa qyzmet etpeı qoımaımyn!

Álıhan Bókeıhan

«Polıseıler eki baýyrymdy uryp-soqty»: Qazaqstandyq áıel Toqaevtan kómek surady

13 mamyr 2024 431

Aqmola oblysynyń turǵyny prezıdent Qasym-Jomart Toqaevqa vıdeoúndeý joldady. Ol arnaıy polısıa qyzmetkerleriniń baýyrlaryna jasaǵan shabýylyna baılanysty jaǵdaıdy retteý úshin kómek surap otyr, dep habarlaıdy alash.kzsaıty Skifnews.kz aqparat portalyne siltep.

«Bizdiń otbasymyz polısıa qyzmetkerleriniń shabýylyna baılanysty kúızeliske tústi», - dedi áıel úndeýinde.

Vıdeodaǵy kelinshektiń aıtýynsha, onyń 17 jáne 18 jastaǵy baýyrlaryna «Arlan» mamandandyrylǵan jáne elıtalyq polısıa bólimshesiniń qyzmetkerleri shabýyl jasaǵan. Sondaı-aq ol istiń tergelmeı jatqanyn aıtty.

«Kezekshilik kezinde polısıa qyzmetkerleri Kókshetaýǵa aparatyn jolda tótenshe jaǵdaı týdyrǵan. Sodan keıin olar meniń baýyrlarymnan kóshelerdiń birinde toqtaýdy talap etip, kólikten túsip, esh sebepsiz kóptegen dene jaraqattaryn salyp, aǵaıyndylardy qyzmettik kóliginiń salonyna qamap tastaǵan», - dedi ol.

Onyń sózine qulaq túrsek, onyń qos baýyryn orman alqabyna aparyp, sol jerde uryp-soǵýdy jalǵastyrǵan, tipti, «óltiremiz» dep qorqytqan kórinedi.

Qazirgi ýaqytta aǵaıyndylar aýrýhanada jatyr. Ekeýine dene jaraqattary, súıekteriniń synǵany jáne mıy shaıqalǵan degen dıagnoz qoıylǵan.

Bul maqala týraly ne oılaısyz?