Burynǵy jigiti Adına esimdi qyzdyń jumys ornyna baryp, keńse pyshaǵymen baýyzdaǵan, dep habarlaıdy Nemolchı.kz» turmystyq zorlyq-zombylyq qurbandaryn qoldaýmen aınalysatyn fond.
Adına jigiti ózine qol kóterip bastaǵan soń ara qatynasty toqtatqan. Bunymen qalmaǵan jigit ony jumys ornyna izdep kep, keńse pyshaǵymen tamaǵyn kesken. Jábirlenýshi áriptesteriniń arashalaýynyń arqasynda ólimnen aman qalǵan.
Reanımasıadan endi ǵana palataǵa shyqqan Adınany polısıa qyzmetkerleri tergeýge alyp ketken. Sóıtip bastapqyda isti alaıaqtyq babymen qaraǵan. Keıin qoǵamda shý shyqqan soń ǵana adam óltirýge oqtalý babyna aýystyrǵan.
Biraq ókinishke qaraı sot barysynda aıyptalýshy tarap bul oqıǵaǵa Adınanyń ózin kináli etip kórsetýge tyrysyp baǵýda. Qazir aıyptalýshynyń advokattary isti qaıtadan alaıaqtyq babyna aýystyrýǵa ótinish bergen.
