Birneshe aı boıy júrgizýshi kýáligine qol jetkize almaı júrgenderdi biri – Krıstına Ýshakova. Ol úsh aı oqyǵan teorıalyq bilimin tájirıbe júzinde iske asyra almaı, kýálik ala almaı júr.
"Avtodromdaǵy joldyń jaǵdaıy kóńil kónshitpeıdi. Bıikke kóteriletin jerde muz qatyp, kólikpen shyǵa almaı qalasyń. Joldaǵy belgiler qardan kórinbeıdi. Sóıtip emtıhandy tapsyra almadym", – dedi Petropavl qalasynyń turǵyny Krıstına Ýshakova.
Tájirıbelik emtıhandy tapsyrýǵa kelgenderdiń 90 paıyzy birneshe ret súringenin aıtady. Mysaly qańtar aıynda 300 adamnyń tek 30-y júrgizýshi kýáligin alǵan.
"2023 jyly bizde basqa merdiger boldy. Olar ózderiniń jumysyn tolyqtaı atqarmady. Qar jaýǵan kezde aq ulpany ýaqytynda tazartsa, mundaı jaǵdaı bolmas pa edi dep oılaımyz", – dedi SQO Mamandandyrylǵan halyqqa qyzmet kórsetý ortalyǵynyń basshysy Jaqsylyq Kenbaı.
Mamandandyrylǵan halyqqa qyzmet kórsetý ortalyǵy burynǵy merdigermen kelisimshartty buzyp, basqa kompanıamen otyrǵan ortalyq basshylyǵy keıbir olqylyqty retteımiz dep sendirdi.
