Tiri bolsam, qazaqqa qyzmet etpeı qoımaımyn!

Álıhan Bókeıhan

«Orystar dopıng qoldandy dep bále jaýyp jatyr». Kabırhanǵa Reseıde qandaı qastandyq jasaldy?

02 aqpan 2024 94


Qazaqtyń júırigi Kabırhan Dýbaıda ótken Al Maktoum Challenge Presented by Longines báıgesinde top jarǵan bolatyn. Qazaq Jockey Club tóraǵasy Maqsat Ahaev Dýbaıǵa deıin Kabırhannyń Reseıdegi jarystarǵa qatysqanyn, ol jaqta qıanat jasalǵanyn aıtty, dep habarlaıdy alash.kz.




«Reseıdegi qarsylastary myqty boldy. Biraq Kabırhan ol jaqtyń attaryn da shań qaptyrdy. Biz ekinshi kelgen saıystaryn sanamaımyz. Óıtkeni túrli-túrli qıanattar istelindi. Al Dýbaıda birinshi ret shapqanda bárimiz de oılandyq. Bul Reseı emes. Degenmen, senimdi aqtady. Birinshi jarysta 2 mınýt 3 sekýndta máre syzyǵyn qıdy. Kelesi jarysynda rekordyn 3 sekýndqa jańartty. Attyń tóńireginde júrgen mamandardyń keýdesin maqtanysh kernep, bir kóterilip qaldy. Bul attyń ákesi Japonıada. Osy jeńisten keıin japondar quttyqtap jatyr», – deıdi Maqsat Ahaev.

Jelide pikir jazǵandar endi Reseıge jarysqa jibermeý kerektigin aıtyp jatyr.
«Reseıge jolamaǵan durys», «Maqsat aǵa durys aıtyp otyr, endi ózimizde báıgeni kóterýimiz kerek», «Reseıden nege qorqasyńdar?», «Reseılikter kóre almaıdy», «Orystardyń kóbisi sat dep jalynǵan, biraq ıesi kónbegen», «Orystar dopıng qoldandy dep bále jaýyp jatyr», «Reseıde shaptyrmaý kerek»  degen pikirler bar.

Aıta keteıik, Kabırhan 12 qarsylasyn artta qaldyryp, Meıdan ıpodromyndaǵy 60 myń kórermenniń kózaıymyna aınaldy.

Maqsat Ahaev bul jeńis qazaq atbegileriniń sónýge sál-aq qalǵan sáýlesin qaıta jaǵýmen para-par boldy dep otyr.
«Myqty jattyqtyrýshylar, trener-jokeıler shetelge ketip qaldy. Uly kóshpendilerdiń elinde turyp, attardy baptap, ósire almasaq, ol bizge syn», – deıdi Qazaq jockey club tóraǵasy.

4 jastaǵy asyltuqymdy aıǵyrdyń ákesiniń aty – Kalıfornıa Hrom, enesiniń esimi – Lıttl Emılı. Kabırhan AQSH-ta týǵan. 1,5 jasynda Kınelend aýksıonynda satylǵan. Kabırhannyń búgingi ıesi – Tilek Muhanbetqalıev degen azamat. Endi bul tulpar naýryz aıynda Dýbaıda ótetin búkilálemdik kýbokta baq synaıdy.


Bul maqala týraly ne oılaısyz?