«Balalarǵa jynystyq, turmystyq, moraldyq zorlyq kórsetýge qatysty jumys júrgizilip jatyr. Keshendi jospar jasalǵan. Pedagogtarǵa, oqýshylarǵa ózderin qalaı ustaý kerek ekenine qatysty algorıtm daıyndaldy. Biz ata-analarǵa da zorlyq kórgennen keıin ózderin qalaı ustaý kerek ekeni týraly algorıtm qurdyq. Biraq eń birinshi kezekte otbasyndaǵy tárbıege kóp nárse baılanysty ekenin umytpaýymyz kerek. Memleket bolyp, qoǵam bolyp zorlyq-zombylyqqa tózbeı, qarsy bolsaq qana nátıje bolady. Bul taqyrypqa erekshe nazarymyzdy aýdaryp otyrmyz», – dedi ol.
Budan bólek, ol «jynystyq saýat páni engizile me?» degen suraqqa jaýap berdi.
«Balaǵa anasy nemese ákesi aıtýy kerek taqyryptar bar. Jynystyq tárbıe bıologıa sabaǵynda, synyp saǵattarynda qajet deńgeıde aıtylady. Al mundaı jeke sabaqty biz engize almaımyz. Óıtkeni adamnyń anatomıasy, basqa da máseleler osy sabaqtarda bar», – dedi vıse-mınıstr.
