Bul týraly sarapshy Halyq Uni tilshisine bergen suqbatynda aıtqan.
Áýejaıǵa kodty IATA (Halyqaralyq áýe kóligi qaýymdastyǵy) beredi. Ol tek IATA júıeleri úshin qajet. Jolaýshy retinde bul kodty paıdanbaımyz. Kod bılette jazylyp turady, sebebi bılet satý júıesi, tarıfterdi retteý júıesi IATA arqyly jumys isteıdi. Al ICAO-da basqa kod qoldanylady. Avıadıspecher IATA kodyn paıdalanbaıdy, ICAO kodyn paıdalanady, - deıdi Abyl Kekilbaev.
Sarapshynyń aıtýynsha, áýejaıdyń kodyn birinshi bolyp Baký aýystyrǵan. Geıdar Alıev atyndaǵy áýejaıǵa GYD kody on shaqty jyl buryn berilgen.
«Dál solaı erejege ózgeris engizip, Astanadaǵy áýejaıdyń da kody ózgerdi. Kóp eldiń kodyn bilemin, olardyń eldimekenniń ataýyna eshqandaı qatysy joq. Júıeniń jumys isteıtin kodtyń eshqandaı mańyzy joq.
Keı júıelerde Astananyń kody burynǵy TSE kúıinde tur. Ári-beri aýystyrý – aqshany bos shyǵyndaý. Bir bekitilgen kod júıeniń jumysyna kedergi keltirmeý úshin sol kúıi qalýy kerek. Ony saıasatqa alyp kelip, ol úshin shyǵyndalýdyń qajeti joq. Biraq bireý upaı jınady, bireý óziniń keremet ekenin kórsetti», - deıdi avıasıa sarapshysy.
Esterińizge sala keteıik, Abyl Kekilbaev – ICAO Ortalyq hatshylyǵynda jumys istegen alǵashqy jáne ázirge jalǵyz qazaq
