100 keli salmaq dárejesinde synǵa túsken sportshymyz shveısarıalyq qarsylasy Eıch Danıeldi aıqyn basymdyqpen utyp, júldeli orynǵa ıe boldy. Beldesý barysynda jerlesimizdiń qarsylasy úsh eskertý alyp, jeńis birden otandasymyzǵa buıyrdy.
Nurlyhan Sharhan irikteý kezeńinde qarsylas shaq keltirmeı, óz tobynan úzdik shyqty. Ol alǵashqy aınalymda Natanıel Kıvany (AQSH), odan keıin álem reıtıńiniń úshinshi ornynda turǵan Nıderlandy sportshysy Maıkl Korreldi utty. Al Shırek fınalda Aleksandr Kýkoldy (Serbıa) qosymsha ýaqytta vazarı upaıymen utyp, jartylaı fınalǵa shyqty. Jartylaı fınalda eki dúrkin álem chempıony ıspanıalyq Nıkoloz Sherazadıshvılımen kezdesip, qarsylasyna ese jibergen bolatyn.
Al 3-orynǵa talasta (-100 kg) shveısarıalyq balýan Danıel basym tústi. Aıta keteıik, Parıjde ótip jatqan Grand Slam jarysyna álemniń 107 elinen 621 dzúdoshy qatysyp jatyr. Jarys jeńimpazyna álemdik reıtıńte 1000 upaı, 2-orynǵa – 700, al 3-orynǵa 500 upaıdan qosylady.
Aıta keteıik, týrnırge Qazaqstannan 14 sportshy attanǵan bolatyn.
