Tiri bolsam, qazaqqa qyzmet etpeı qoımaımyn!

Álıhan Bókeıhan

Nur-Sultanda apattan keıingi aqaýlar jóndeledi

31 naýryz 2022 70
30 naýryz kúni saǵat 12.00-degi jaǵdaı boıynsha «Astana-AEK» AQ 10 kV elektr jelilerinde 7 tehnologıalyq buzýshylyq boldy, onyń 3-eýi joıyldy, qalǵan jumystar jalǵasýda. Bul týraly qala ákimdiginiń resmı saıty «Astana-AEK» baspasóz qyzmetine silteme jasap habarlaıdy.

Apattyq-qalpyna keltirý jumystaryna 19 brıgada, arnaıy tehnıka jumyldyryldy. Elektrmen jabdyqtaý tolyq qalpyna keltirilgenge deıin jumystar táýlik boıy jalǵasady.

Elektr jelisiniń ajyraý sebebi – qysqa tuıyqtalýǵa jáne onyń elementteriniń zaqymdalýyna ákeletin (symdardyń, oqshaýlaǵyshtardyń, kabeldik jelilerdiń úzilýi) áýe jelilerine bógde zattardyń túsýi. Tutynýshylardyń elektr qondyrǵylarynda jelini ajyratýǵa jáne t.b. ákep soqqan zaqymdaný bolady.

Turǵyndardan qalpyna keltirý jumystary júrip jatqanyna baılanysty túsinistikpen qaraýdy suraımyz.

Elektr jelisi negizinen jeke sektorda (Lesozavod, Kırpıchnyı, Óndiris) ajyratyldy. Aqaýlar joıylǵannan keıin elektrmen jabdyqtalmaǵan tutynýshylardyń jabdyqtaryn qosýǵa ótinimderdi jedel-dıspecherlik qyzmettiń telefondary boıynsha berýge bolady:

620 456 nemese +7 705 956 5317 (daýystyq mázir boıynsha 6-pozısıa);

79 69 44, WhatsApp: +7 701 081 6562;

Baıqońyr, Saryarqa aýdandary 620 468;

Almaty, Esil aýdandary 620 438, WhatsApp +7 778 132 3306.
Bul maqala týraly ne oılaısyz?