Tiri bolsam, qazaqqa qyzmet etpeı qoımaımyn!

Álıhan Bókeıhan

Núkenovanyń aǵasy Bıshimbaevtyń qatygezdigin aıyptaǵan anasynyń sózine túsinikteme berdi

03 sáýir 2024 1119

Qaıtys bolǵan Saltanat Núkenovanyń aǵasy Aıtbek Amangeldi anasynyń Qýandyq Bıshimbaevtyń balany janshyp óltirgeni týraly sózine túsinikteme berdi. Bul jaıly Alash.KZ ulttyq portaly habarlady. 

"Men negizsiz sóılegendi unatpaımyn, al anam, árıne, bul týraly emosıamen aıtty. Meniń oıymsha, eger biz bul týraly málimdesek, naqty derekter negizinde málimdeımiz. Sodan keıin naqtylap, muraǵattan isti aldyryp, siz de bárine kóz jetkize alasyz. Sol kezde bári aıqyn bolady", - dep jaýap berdi Aıtbek Amangeldi sot otyrysynan keıin.

1 sáýirdegi sot prosesi kezinde Bıshimbaev óziniń qatygezdikpen kisi óltirgenine qatysty aıypty moıyndamaıtynyn aıtty. Saltanattyń anasy ózin ustaı almaı, sot otyrysynda aıǵaı-attanǵa basty.

"Men qyzymdy jerledim. Men onyń júzin kórmedim. Siz muny qalaı aıta alasyz?! Siz ony birneshe saǵat boıy óltirdińiz. Men seniń ótkenińdi aıtqanymdy qalaısyń ba? Siz balany qalaı óltirdińiz endi?",- dedi Saltanattyń anasy.

Ári qaraı sýdıa janjalǵa aralasyp, bárinen sabyrlyq tanytýdy ótindi.

"Buǵan deıin bizdiń otbasymyz materıaldardy nemese sol túndegi oqıǵaǵa qatysty málimetterdi 8-9 qarasha aralyǵynda suratty. Bizge adamdardan, sonyń ishinde maǵan tikeleı advokattardan kóptegen ótinishter kelip tústi. Bizge ár túrli áńgime aıtyldy, olardyń esimderi men kúnderi, ne bolyp jatqany, stýdenttik kezeńde ne bolǵany, munyń bári qalaı jasyrylǵany, ata – anasy qalaı ństi jyly jappaq bolǵany týraly baıandaldy", - dedi marqumnyń aǵasy.

Eske sala keteıik, Búgin Bıshimbaev isine qatysty kezekti sot otyrysy ótti. Sot otyrysynda aıyptalýshy Qýandyq Bıshimbaev Saltanat Núkenovanyń oqystan qulap qaza tapqanyn alǵa tartty. Núkenovanyń aǵasy sot otyry barysynda kúdikke ilingen azamattyń óz aıǵaqtaryn alǵa tartqanyn tyńdaý janyna batqanyn jasyrmady.

Bul maqala týraly ne oılaısyz?