Ánshi Baǵlan Ábidiraıymov óz ıntagram paraqshasynda sý tasqynynan zardap shekken halyqty odan ári yzalandyryp, túrli vıdeolar salýdy qysqartý keregin aıtty, dep habarlaıdy Alash.kz.
Ol óz jazbasynda Qasıetti Ramazan aıy aıaqtalyp, elimizdiń kóp óńirin topan sý basyp, halyqtyń basyna qara bult úıilgenin aıtty. Dál osy syndarly ýaqytta haıp qýyp, negatıv pikirlermen halyqtyń ashýyna tımeýge keńes berdi.
"Aıtyp kelmeıtin apat Batysymyzdy basty, Soltústigimizdi shaıyp jatyr. Amal neshik, tabıǵı apat Allanyń qalaýy deımiz… Bul kún de óter, biz jıi aıtatyn bir qıyndyqtan keıin eki jeńildik bar ekeni anyq. Kún jylyp, sý sińip, apatty aımaqtardaǵy qıraǵan úıler qaıtadan qalpyna keltiriler. Osy tusta haıp qýyp, qasiret ústine neshe túrli prıkol sózderdi qosyp, negatıvti vıdeolar taratyp jatqan jandarǵa, apattan abyroı jınamaı-aq qoıaıyq, - degim keledi. Odan ohvatyń artyp, oqyrmanyń kóbeımeıdi. Bári bitkesin áleýmettik shyǵynǵa ushyraǵan halyqtyń talabyn memleketten saýatty túrde talap etip, qaıta óndirip alatyn bolamyz, at salysaıyq!",-dep jazdy ol jelide.
"Qýanyshty bólisseń kóbeıedi" degendeı Baǵlan Ábdiraıymov negatıv pikirlerdiń ornyna qıyn-qystaý zamanda halyqqa azyq-túlik, gýmanıtarlyq kómek jiberip jatqan jandar týraly jazyp, kúshimiz birlikte ekenin kórsetý kerektigin jazdy.
"Sondyqtan bolatyn iske kósheıik. 10 tonna azyq-túlik jınap, batysymyzǵa jóneltip jatqan Malık Hasenov sekildi qanshama tanymal tulǵalar sbor eship, etigimen sý keship, el arasynda júr. Sondaı erlikti aıtaıyq. On tonna azyq túlikti tik ushaqpen jedel jetkizýge atsalysqan memlekettik organdardyń isin aıtaıyq. “Qýanyshty bólisseń kóbeıedi, qaıǵyny bólisseń azaıady”,- degen emes pe?! Qýanyshty kúnimiz alda!
Sabyr eteıik. Elimizdiń eńsesi túspesin!",-dep sózin aıaqtady.
