Tiri bolsam, qazaqqa qyzmet etpeı qoımaımyn!

Álıhan Bókeıhan

Nazarbaev nemeresiniń Transtelekomdy qalaı satyp alǵan?

06 sáýir 2022 75
 



Sheneýnikter telekomýnıkasıa salasyn retke keltirýge shyndap kirisetin sıaqty. Ekonomıkany monopolıasyzdandyrý jónindegi komısıa otyrysynda elimizdegi tirkelgen jáne uıaly baılanystyń ıelengen úlesi týraly másele qaraldy.

«Qazaqtelekom» AQ tirkelgen baılanys naryǵynda 80 paıyzdan astam jáne uıaly baılanys naryǵynda 60 paıyzdan astam úlesi bar telekomýnıkasıa qyzmetteri naryǵynda monopolıs bolyp tabylady.
«Kcell men Tele2 biriktirý kezinde olardyń jelilerin ońtaılandyrý jáne biriktirý arqyly oń nátıjege qol jetkizý maqsaty qoıyldy. Bul kórsetiletin telekomýnıkasıa qyzmetteriniń sapasyn arttyrýǵa múmkindik beredi. Alaıda 3 jyldan beri uıaly baılanys operatorlarynyń jelilerin biriktirý júzege asyrylmaı keledi» delingen premer-mınıstrdiń saıtynda.

Sheshim retinde toptyń uıaly baılanys operatorlarynyń birin básekeles naryqqa shyǵarý usynyldy.

Baılanys sapasyn baqylaý tetigin jetildirý boıynsha usynystar aıasynda monıtorıń kúsheıtilip, sapasyz qyzmet kórsetkeni úshin aıyppul mólsheri 100-den 1000 AEK-ke deıin ósedi.

Komısıa otyrysynda Bas prokýratýra men Qarjy monıtorıńi agenttigine «Ksell» AQ-nyń 24 paıyzyn satý jónindegi mámile nátıjesinde memleketke keltirilýi múmkin zalal máselesin zerdeleý usynyldy.

Sonymen qatar, komısıa otyrysynda «Transtelekom» AQ aksıalarynyń jeke tulǵalarǵa satylýyn,ıelikten shyǵarý kezinde memleketke keltirilýi múmkin zalaldy taldaýǵa usynys jasaldy.

Aıta ketsek, «Transtelekom» AQ-nyń negizgi aksıoneri Nursultan Nazarbaevtyń úlken nemeresi – Nuráli Álıev.

«Transtelekom» AQ-nyń málimetterdi óńdeý ortalyqtarynyń ınjenerlik ınfraqurylymyna qatysty tarıfteriniń negizdiligine taldaý jasaý, sondaı-aq «Transtelekom» AQ-nyń Qazaqstan men Ázirbaıjan arasyndaǵy úkimetaralyq kelisimde aıqyndalǵan aıryqsha quqyǵyn alyp tastaý boıynsha jumysty jalǵastyrý usynyldy.

Álıhan Smaıylov ICRIAP-qa joǵaryda atalǵan birlesken joba aıasynda qazaqstandyq operatordy aýystyrý boıynsha ázirbaıjandyq tarappen kelissózder júrgizýdi tapsyrdy.





Derekkóz
Bul maqala týraly ne oılaısyz?