Tiri bolsam, qazaqqa qyzmet etpeı qoımaımyn!

Álıhan Bókeıhan

Máskeýdegi parada Pýtın Ýkraınaǵa shabýyldy "eskertý soqqysy" dep atady

09 mamyr 2022 128
[ad_1]



Reseı 24 aqpanda Ýkraınaǵa basyp kirý arqyly "eskertý soqqysyn berdi", "jalǵyz durys sheshim osy edi". Máskeýdegi Qyzyl alańda ótken áskerı paradta sóz sóılegen Reseı prezıdenti Vladımır Pýtın osylaı dep málimdedi.


Reseımen qosa SSSR-dyń basqa biraz eli búgin Jeńis kúni toılap jatyr. 77 jyl buryn 9 mamyrda nasıstik Germanıanyń Ekinshi dúnıejúzilik soǵysta jeńilgeni habarlanǵan.


Bıyl bul data Ýkraınadaǵy "áskerı operasıamen" qatar keldi. Reseı basshylyǵy Ýkraınaǵa shabýylyn osylaı ataıdy, al ony "soǵys" dep ataǵandardy qatań jaýapqa tartady. Pýtınniń aıtýynsha, AQSH pen NATO elderi Reseıge qaýipsizdik kepildigin berýden bas tartty jáne Ýkraınany Reseıdiń "tarıhı jerine", sonyń ishinde Qyrymǵa shabýyl jasaýǵa daıyndady. Shabýyldy bastaýǵa osy jaıttar sebep boldy deıdi Reseı basshysy.


Dástúr boıynsha bir mınýt únsizdik jarıalaǵan Pýtın tek sovet kezinde soǵysqa qatysyp, qaza tapqandardy ǵana emes, "neonasıster atqylaǵan" Odessadaǵy kásipodaq úıinde kóz jumǵandardy jáne Ýkraınada oqqa ushqan Reseı soldattaryn eske alýǵa shaqyrdy. Buǵan qosa ol qaza tapqandar men jaralanǵandardyń otbasyna kómek kórsetý jóninde jarlyqqa qol qoıǵanyn aıtty.


Jeńis kúni qarsańynda brıtandyq jáne amerıkalyq aqparat quraldary barlaý qyzmetindegi derekkózderge súıenip, Pýtın meıram kúni Ýkraınaǵa soǵys jarıalaýy ne mobılızasıa týraly málimdeýi múmkin ekenin jazǵan. Reseı prezıdenti mundaı eshteńe aıtqan joq.


Minbede úkimet basshysy Mıhaıl Mıshýstın, Qaýipsizdik keńesindegi Pýtınniń orynbasary Dmıtrıı Medvedev, patrıarh Kırıl jáne basqalar turdy.


Áskerı paradty qorǵanys mınıstri Sergeı Shoıgý basqardy. Aýa raıynyń qolaısyzdyǵyna baılanysty áýedegi ushaqtar sherýi ótpeı qalǵan.


Buǵan qosa, búgin Reseıdiń kóp qalasynda "Ajalsyz polk" sherýi ótip jatyr. Koronavırýs ınfeksıasy taralýyna baılanysty sońǵy birneshe jylda bul sherý onlaın formatqa aýysqan. Jurt soǵysta qaza tapqan azamattardyń sýretterin ustap, túrli uran kóterip, sherý jasaıdy. Qatysýshylar Sovet odaǵynyń týyn, sımvoldaryn kóterip, áskerı kıimderin kıedi. Uıymdastyrýshylar Ýkraınada qaza bolǵan soldattardyń sýretin kóterip shyǵýǵa da ruqsat bergen.


Reseıdiń keı aýdandarynda "Ajalsyz polk" sherýine soǵysqa qarsy uran ustap shyqqandardy qamady degen de aqparat bar. "Vesna" qozǵalysy Jeńis kúni osylaı qarsylyq bildirýge shaqyrǵan. Uıymnyń Peterbýrgtegi jáne basqa qalalardaǵy birneshe belsendisi osyndaı uran tastaǵany úshin qamaýǵa alynǵan.


Búgin Ýkraına da jeńis kúnin atap ótip jatyr, biraq munda kisi kóp qatysqan jıyn bolmady.


Ýkraına prezıdenti Vladımır Zelenskıı jaqynda gıtlerlik Germanıasy men qazirgi Reseıdi salystyrǵan. Halyqqa jańa vıdeoúndeýinde ol Ýkraına taıaýda eki birdeı jeńis meıramyn toılaıdy, al "ózge bir elde birde-bir jeńis merekesi bolmaıdy" dedi.


Reseı basyp alǵan ýkraın qalalarynda, sonyń ishinde Hersonda merekelik sharalar ótti. Al ózin táýelsiz dep jarıalaǵan separatıstik aımaq – "Donesk halyq respýblıkasynda" atys bolýy múmkin degen sebeppen buqaralyq shara ótpedi.








[ad_2]

Derekkóz
Bul maqala týraly ne oılaısyz?