AQSH-tyń birinshi hanymy Djıll Baıden Ýkraınaǵa jospardan tys saparmen bardy.
Ol 8 mamyr kúni Ýjgorod qalasyna baryp, Ýkraınanyń birinshi hanymy Elena Zelenskaıamen kezdesti.
Euronews arnasynyń habarlaýynsha, AQSH prezıdenti Djo Baıdenniń áıeli kútpegen jerden Ýkraınaǵa kelip, eldiń batysyndaǵy Ýjgorod qalasyna barǵan. Buǵan deıin ol Rýmynıa men Slovakıada bolǵan.
Ýjgorodta Djıll Baıdendi Ýkraına prezıdentiniń áıeli Elena Zelenskaıa jeke qarsy aldy. Onymen suhbatynda Djo Baıdenniń áıeli analar kúninde Ýkraınaǵa kelgisi keletinin moıyndady.
Ol sondaı-aq «ýkraın halqyna bul soǵysty toqtatý kerektigin, onyń qorqynyshty ekenin jáne AQSH halqy Ýkraına halqymen birge ekenin kórsetýdi mańyzdy dep sanaıtynyn» atap ótti.
Baıden Ýkraınada eki saǵattaı ǵana boldy, sodan keıin Slovakıaǵa oraldy. Dál sol kúni Kanadanyń premer-mınıstri Djastın Trúdo da Ýkraınaǵa jospardan tys saparmen bardy, ol Kıev oblysyndaǵy Irpen qalasyna keldi.
Ony qarsy alǵan qala ákimi qalanyń ınfraqurylymyn qalpyna keltirýde Kanadanyń kómegine úmit artyp otyrǵanyn atap ótti.
Derekkóz
