Búgin «Krokýs sıtıdegi» teraktqa qatysty segizinshi kúdikti sotqa jetkizildi.
«Krokýstaǵy» lańkestik shabýylǵa qatysy bar Qyrǵyzstan azamaty ustaldy
Álisher Qasymov atty Qyrǵyzstan týmasy terrorısterdiń josparynan beıhabar bolǵanyn aıtady. Tergeý málimetteri boıynsha, ol ustalǵan kúdiktilerge páterdi jalǵa bergen. Qasymovtyń ózi páter ótkizetin «Avıto» qyzmeti arqyly ǵana olarmen baılanysta bolǵanyn aıtady.
Aıta keteıik, 25 naýryzda Máskeýdiń Basmanskıı sotyna taǵy úsh kúdikti «Krokýs Sıtı Hol» konserttik kesheninde terorıstik akt jasaýǵa aralasty degen kúdikpen jetkizilgen.
Sot otyrysy jabyq rejımde ótedi.
Tergeý olardy tutqyndaý týraly ótinish jasamaq.
Olardyń biri Dılovar Ismolov terrorısterge deldal retinde kómektesti degen aıyppen kúdikti. Ustalǵandar mingen «Reno» kóliginiń negizgi ıesi.
Taǵy bir ustalǵan Dılovardyń 62 jastaǵy ákesi Isroıl Ismoılov jáne onyń 33 jastaǵy aǵasy Amınchon Salomov. Olar taǵylǵan aıyppen kelispeıdi.
Tergeý Dılovar men Amınchon 24 naýryzda qamaýǵa alynǵan Shamsıddın Farıdýnıdi qylmystyq topqa tartty dep esepteıdi.
