Tiri bolsam, qazaqqa qyzmet etpeı qoımaımyn!

Álıhan Bókeıhan

Jańa vırýs taraı ma: Álemde alǵash ret er adam qus tumaýynan qaza tapty

06 maýsym 2024 279

Meksıkada A(H5N2) qus tumaýyn juqtyrǵan adam álemde birinshi ret tirkeldi, dep habarlaıdy Dúnıejúzilik densaýlyq saqtaý uıymynyń baspasóz qyzmeti.

Naýqas 59 jastaǵy er adam. 17 sáýirde dene qyzýynyń kóterilýi, entigý, dıareıa, júrek aınýy jáne jalpy álsizdik paıda bolǵan. Bir aptadan keıin ol aýrýhanaǵa túsip, 24 sáýirde qaıtys boldy.

Dúnıejúzilik densaýlyq saqtaý uıymynyń málimeti boıynsha, er adam quspen nemese basqa janýarlarmen baılanysta bolmaǵan.

Alaıda 2024 jyldyń naýryz aıynda naýqas turatyn Meksıka shtatymen shekaralas Mıchoakan shtatyndaǵy qus fabrıkasynda qus tumaýynyń A(H5N2) oshaǵy anyqtaldy.

Qus tumaýy joǵarǵy tynys joldaryna áser etip, ólimge ákelýi múmkin, sonymen qatar konúnktıvıt, asqazan-ishek aýrýlary, ensefalıt jáne ensefalopatıa týdyrýy múmkin.

Bul maqala týraly ne oılaısyz?