Tiri bolsam, qazaqqa qyzmet etpeı qoımaımyn!

Álıhan Bókeıhan

"İsti japqyzyp tastady". Saltanattyń ólimine deıin Bıshimbaevtyń bala qaǵyp óltirgeni jaıly aıtyldy

22 mamyr 2024 464

Áıeli Saltanat Núkenovany óltirdi dep aıyptalǵan eks-mınıstr Qýandyq Bıshimbaevqa sot úkimi shyǵyp, 24 jylǵa sottalǵanyn bilemiz. Qasyndaǵynyń kórsetken qatygezdiginen qaza tapqan Saltanat Núkebaevanyń aǵasy aǵasy burynǵy mınıstr, Bıshimbaevtyń bala qaǵyp óltirgeni týraly baıandady. Ol bul týraly telejúrgizýshi Tımýr Balymbetovke bergen suhbatynda aıtty, dep habarlaıdy Alash.KZ ulttyq  Timur Balymbetov suhbatyna silteme jasap.

Jýrnalıs Tımýr Balymbetov Saltanat Núkenovanyń aǵasy Aıtbek Amangeldiden sot barysynda aıtylǵan aqparattardy, anasynyń "Bıshimbaev bala óltirgen" degen sózderine qatysty túsindirmeni surady.

"Jaıaý júrginshiler jolynda bala qaǵyp ketken. Biz 8-9 qarasha kúnderi Saltanattyń ólimine qatysty kýágerlerdi izdep, halyqtan kómek suradyq. Osy kezde bizge buǵan deıin bolǵan eski oqıǵalar týraly da aıtqan kisiler boldy. Solardyń ishinde bir áıel boldy, onymen biz betpe-bet kezdestik, sol jerde aıtty. Qatelespesem qarasha aıynda edi, kózildirik taqqan, sharfqa oranǵan áıel boldy", – deıdi Aıtbek Amangeldi.

Marqumnyń aǵasynyń aıtýynsha, osy kezdesýden keıin ol áıeldi tappaı qalǵan. Áıeldiń ózin tanystyrǵan kezdegi esiminiń de jalǵan bolýy múmkin ekenin aıtady. 

"Men alǵashynda bul aqparatqa synı kózben qaradym. Biraq ol óte kóp aqparatpen bólisti jáne onyń bergen aqparattary resmı derektermen sáıkes kelip otyrdy. Barlyǵyn naqty derektermen aty-jónderin, týǵan jyldaryn berdi. Ol sol kezde qylmysty óz moınyna alǵan ekinshi adamnyń aty-jónin berdi. Resmı derekterge súıensek, sol adam 3 aı ýaqytsha tergeý ızolátorynda otyrǵan. Sosyn taraptardyń tatýlasýymen is jabylyp ketken", – deıdi marqumnyń aǵasy. 

Aıtbek kezdesken áıeldiń málimetinshe, atalmysh jol apatynda rólde Bıshimbaev otyrǵan jáne mas kúıinde bolǵan eken. Alaıda janydaǵy ekinshi adam kináni óz moınyna alǵan. 

"Osy oqıǵadan keıin qylmysty moınyna alǵan adamnyń ákesiniń kásibi úlkeıe túsken, al ózi tergeý ızolátorynan shyqqan soń áskerge baryp kelgen. Áskerden keıin ol da Baıterek kompanıasy sekildi jerlerde laýazymdy qyzmetter atqarǵan. Al Bıshimbaevtyń ózi osy oqıǵadan keıin Amerıkaǵa oqýǵa ketip qalǵan", – deıdi Aıtbek Amangeldi. 

Aıtbek Amangeldi osy aqparattardy bólisken áıeldiń buryn Bıshimbaevtyń otbasynda jumys istegen bolýy múmkin ekenin aıtady. 

 

Bul maqala týraly ne oılaısyz?