Tiri bolsam, qazaqqa qyzmet etpeı qoımaımyn!

Álıhan Bókeıhan

Eki feldsher klınıkalyq ólimi tirkelgen er adamdy on mınýttyń ishinde qutqaryp qaldy

21 mamyr 2024 227

SHQO-da esin joǵaltqan naýqasty feldsherler on mınýttyń ishinde reanımasıalap, esin jıǵyzdy,dep habarlaıdy Alash.kz.

Dárigerler kelgende naýqastyń tamyr soǵysy da, tynysy da toqtap qalǵan. Dese de, mamandar ony tiriltpek boldy.

"103" púltiniń dıspecherine naýqastyń áıeli qońyraý shalǵan. Fızıkalyq júktemeden keıin onyń júregi qatty soǵyp, keýde tusy aýyrǵan. Oqıǵa ornyna brıgada jetkende er adam eki mınýt es-tússiz jatqan. Klınıkalyq ólim tirkeldi, jedel járdem brıgadasy keýde qýysyn qysý, jasandy jeldetý jáne defıbrıllásıany qoldaný arqyly reanımasıalyq sharalardy bastady”, – dep habarlady SHQO jedel járdem stansıasy.

10 mınýttan soń naýqas ózi tynys ala bastady, tamyrlarynda soǵys paıda boldy. Sondaı-aq bozarǵan betine qan júrip, esin jıdy. Sodan keıin er adam jedel koronarlyq sındrom dıagnozymen Altaı óńiriniń aýdanaralyq aýrýhanasyna jetkizilip, júregine stent ornatylǵan. Qutqarylǵan er adam áli terapıa bóliminde jatyr. Biraq onyń jaǵdaıy turaqty.

Bul maqala týraly ne oılaısyz?