Tiri bolsam, qazaqqa qyzmet etpeı qoımaımyn!

Álıhan Bókeıhan

İİM Almaty polısıasy men áýejaıyna shabýyl jasaǵan kúdikti ustalǵanyn habarlady

31 naýryz 2022 117
Polısıa qańtar oqıǵasy kezinde Almaty áýejaıy men polısıa ǵımaratyna shabýyl jasady dep kúdikke ilingen adamdy ustady. Bul jóninde kóliktegi polısıa departamentiniń baspasóz qyzmetine súıengen alash.kz habarlady.



Departamenttiń habarlaýynsha, Jambyl oblysynda týǵan kúdiktiniń jasy 24-te, Almatyda turady.

"Kúdikti 5 qańtarda tártipsizdikke qatysqan ózge adamdarmen birge qarý-jaraq dúkeninen qarý urlap, Almaty áýejaıyna qarýly shabýyl jasaǵan. Keıin ózge qatysýshylarmen birge qalalyq polısıa departamentine baryp, mıtıńige shyqqandarmen birge tańǵy saǵat altyǵa deıin ǵımaratty qorshaýda ustaǵan. Keıin urlanǵan qarýdy belgisiz bireýge 40 myń teńgege satqan" dedi kóliktegi polısıa bastyǵy Ońal Bekıev.

Kúdikti qamaýǵa alynǵan. Qazir tergeý amaldary júrgizilip jatyr. Kúdiktige baılanysty basqa aqparat aıtylmaıdy.

Keminde 230 adamnyń ólimine sebep bolǵan Qańtar oqıǵasy kezinde bıliktiń málimdeýinshe, polısıa ǵımaraty men Almaty áýejaıyna shabýyl jasalǵan.

Kýágerlerdiń aıtýynsha, 5 qańtarda tańerteń áýejaıdy áskerılerdiń myqty kúzeti turǵany baıqalsa, tústen keıin áskerıler aıaq astynan biri qalmaı ketip qalǵan. Jolaýshylardy áýejaı qyzmetkerleriniń ózderi evakýasıalaýyna týra kelgen. 6 qańtarǵa qaraǵan túni áýejaıdyń "búlikshilerden tazartylǵany" aıtyldy. Áýejaı jumysy 13 qańtarda qaıta qalpyna kelgen.

Aqorda qańtar qyrǵynyna "terrorısterdi" aıyptaǵanymen, naqty dálel usyna almady. Qańtar oqıǵasynan soń myńdaǵan adam ustalyp, júzdegen adam qamaýǵa alyndy. Qamalǵandardyń kóbi túrmede azaptaý kórgenin málimdegen. Bılik ustalǵandardy azaptaý faktisi bolǵanyn moıyndap, birneshe qyzmetkerdiń ústinen is qozǵaǵan.



Derekkóz
Bul maqala týraly ne oılaısyz?