Qala prokýrory Ǵabıt Muqanov olardy qabyldaýyna shaqyrdy. Narazylar ishke jýrnalısersiz kirmeıtinin málimdedi. Prokýrorlar ishki tártipke saı arnaıy hat joldanyp, ruqsat alynbasa jýrnalıser jıyndarǵa qatystyrylmaıtynyn habarlady.
- Jýrnalıs kirmese, vıdeo túsirmese ishke kirip, shyqqanymyz kók tıyn ǵoı, - dedi narazylardyń biri. Olardyń pikirinshe, aqparat quraldary ishke kirse, bılik bergen ýádelerine jaýaptyraq qaraı bastaıdy.
Narazylardyń bir bóligi qala prokýroryn tyńdaýǵa, jaýabyna kóńili tolmasa shyǵyp ashtyq jarıalaıtynyn aıtty.
Jarty saǵattan keıin narazylar jýrnalısiń qatysýynsyz ishke kirýge kelisti.
Tús kezinde prokýratýradan narazylardyń basy shyǵa bastady. Olar ózderin prokýrordyń orynbasary qabyldaǵanyn, jaýaptaryna qanaǵattanbaǵanyn jetkizdi.
Qala prokýratýrasynyń aldyna jınalǵandardyń arasynda azamattyq belsendi Erǵalı Qulbaevty qoldap kelgender de boldy. Olar belsendini bosatýdy talap etti. Aıtýlarynsha, belsendiniń mıtıńige qatysqany bolmasa, búlikke qatysy joq.
- Keshe (30 naýryzda) Erǵalımen kezdestim. Oǵan qamaý merzimin uzartý týraly sot qaýlysyn bermegen. Qaýly qolyma tıse qaıta ashtyq jarıalaýdy bastaımyn dedi, - deıdi Qulbaevtyń áıeli Nazerke Nálibaı.
Erǵalı Qulbaev - Shymkentte qańtar oqıǵasyna baılanysty ustalyp, qamalǵan jeti belsendiniń biri. Belsendilerdiń ekeýi Nurlybaı Tataev pen Karıma Haıdarbekova eshqaıda ketpeý týraly qolhatpen qamaýdan shyǵarylǵan. Olardyń isin prokýratýra saralap, «Jappaı tártipsizdik» babymen bosatqan. Qalǵany Shymkenttegi Sáýle yqsham aýdanynda ornalasqan ICH-169/11 tergeý mekemesinde qamaýda jatyr.
14 naýryz kúni prokýratýra «Ǵımarattardy, qurylys nysandaryna shabýyl jasaý» (269-bap) babymen qamaýda jatqan belsendi Janmurat Ashtaevtyń isin qaıta saralap, jańa qaýly shyǵarǵan. Oǵan qosymsha «Jappaı tártipsizdik» babymen is qozǵalǵany habarlandy.
Shymkentte Qańtar kóterilisine baılanysty 86 adamǵa qalmystyq is qozǵalyp, eki aıǵa qamaý týraly sot sanksıasy shyqqan. Qazir olardyń basym bóligi bultartpaý amalymen qamaýdan bosatylǵan. Buǵan deıin quqyq qorǵaýshylar qamalǵandar arasynda azamattyq belsendiler de baryn aıtyp, bılikti azamattardy azamattyq belsendiligi úshin qýdalamaýǵa úndegen.
11 naýryz kúni Shymkent soty Qańtar oqıǵasyna baılanysty tórt adamdy «Urlyq» babymen sottady. Olardyń bas bostandyǵy úsh jylǵa shekteldi.
Shymkentte resmı derek boıynsha qańtar oqıǵasy kezinde 19 adam qaıtys boldy, júzden asa adam jaralandy.
