Shymkent qalalyq jolaýshylar kóligi jáne avtomobıl joldary basqarmasy basshysynyń orynbasary Madıar Báıimbetov brıfıńte sybaılas jemqorlyqqa qarsy qyzmet ózi men departament basshysy Erjan Joldasovqa qatysty 747 mln teńgeni jymqyrý faktisi boıynsha tekserip jatqanyn rastady.
Bul iske Qaırat Satybaldynyń burynǵy áıeli Gúlmıra Satybaldynyń da qatysy bar.
Shymkenttegi atqarylmaǵan jumystar úshin búdjetten tólengen mıllıondaǵan qarjyny jymqyrý isi tyń mán-jaıǵa ıe bolýda.
Kúni keshe Shymkent qalasyndaǵy bas kólik basqarmasynyń orynbasary Madıar Báıimbetov málimdeme jasady. Ol bul is boıynsha bastyqpen baılanysta ekenin rastady.
«Shymkent qalalyq jolaýshylar kóligi jáne avtomobıl joldary basqarmasynyń basshysy men onyń orynbasary jáne men Antıkordyń sotqa deıingi tergeýindemiz. İspen áli tanysqan joqpyz, jaýapqa shaqyrǵan joq» dedi Madıar Báıimbetov.
Eske salsaq, Antıkor Qaırat Satybaldynyń burynǵy áıeli shymkenttik sheneýniktermen birlesip, Shymkentte naqty oryndalmaǵan qurylys-montaj jumystaryna tólengen 747 mln teńgeni jymqyrdy degen kúdikke ilingeni habarlandy.
Budan buryn da Sybaılas jemqorlyqqa qarsy qyzmet Qaırat Satybaldyulyna, onyń burynǵy áıeli Gúlmıra Satybaldyǵa jáne basqa da tulǵalarǵa reıderlik jolmen bıznesti basyp alý faktisi boıynsha sotqa deıingi tergeý bastaǵan bolatyn.
Gúlmıra Satybaldy aǵymdaǵy jyldyń 16 naýryzynda ustalyp, elordanyń ýaqytsha ustaý ızolátoryna qamaldy.
Osydan birneshe kún buryn, 13 naýryzda Antıkordyń qyzmettik ókilettikterin asyra paıdalaný jáne asa iri kólemde «Qazaqtelekom» AQ qarjysyn jymqyrý faktileri boıynsha qylmystyq isti tergep jatqany belgili boldy. Osy qylmystardy jasady degen kúdikpen Qaırat Satybaldyuly ustalyp, ýaqytsha ustaý ızolátoryna qamaldy. Onyń memleket qaýipsizdigine nuqsan keltiretin basqa da qylmystarǵa qatystylyǵy da tekserilýde.
Ustalǵan Qaırat Satybaldyuly Dýbaıǵa ushpaq bolǵan. Ol Almaty áýejaıy aýmaǵynda ustaldy.
Derekkóz
