Alaıaqtyqtyń jańa túri paıda boldy. Bul týraly İshki ister mınıstrliginiń baspasóz qyzmeti jarıalady.
Alaıaqtar endi ózderin medısına mamanymyn dep tanystyryp júr.
«Sizge dıspanserleý, flúorografıadan ótý usynylady. Yńǵaıly kúndi tańdap, tirkelý úshin SMS arqyly kelgen sandardy aıtýdy suraıdy. Eshqandaı jaǵdaıda kodty aıtpańyz! Alaıaqtar sizdiń jeke kabınetterińizge qashyqtan kirip, derbes derekterdi ıemdený arqyly nesıe rásimdeı alady. Bular buryn banktiń qaýipsizdik qyzmetkerleri nemese polısıa qyzmetkerleri bolyp habarlasqan alaıaqtar», — dep eskertti polısıa qyzmetkerleri.
Osy týraly jaqyndaryńyzǵa, ásirese, egde jastaǵy adamdarǵa eskerte júrińizder.
