Atalǵan jobaǵa Qazaqstandaǵy Amerıka Qurama Shtattary dıplomatıalyq mısıasy qoldaý bildirdi. 2022 jyldyń 8-9 sáýiri men 11-12 sáýirinde Almaty, Shymkentte uıymdastyrylǵan semınar-trenıngke Brıtanıadan «Avrupa» medıa holdıńiniń qojaıyny, jýrnalıs Vatan Óz ben VVS telearnasynyń Nıderlandtaǵy menshikti tilshisi Iýsýf Ózkan shaqyryldy.
Sharaǵa Almaty qalasymen birge Qazaqstannyń barlyq oblys, aýdan, aımaqtaryndaǵy telearna, gazet, saıt, radıoarnalarda jumys isteıtin 80 jýrnalıs qatysty. Jobanyń basty maqsaty – jýrnalıserdiń aqparat alý jáne taratýdaǵy kásibı biligin arttyrý, faktchek jasaý tásilderin meńgertý, derekterdi tekserý, jalǵan aqparatpen kúresýge úndeý.
«Bul joba negizinen 2021 jyldyń 25-shi qarashasynda bastaldy, ZOOM platformasy arqyly tórt aıǵa sozylǵan onlaın kýrs 2022 jyldyń aqpanynda aıaqtaldy. Semınardyń basty maqsaty – jalǵan aqparattarmen kúres, BAQ pen áleýmettik jelilerdegi aqparattyq manıpýlásıany anyqtaý, derekterdi tekserý, faktchek jasaý. Oǵan qosa aqparattyq monıpýlásıadan aýlaq bolý jaıly úırenedi»,-dedi «Túrkitildes jýrnalıser qory» qoǵamdyq qorynyń prezıdenti Nazıa Joıamergenqyzy.
Almatydaǵy semınar-trenıngtiń ashylý saltanatyna Qazaqstandaǵy Amerıka Qurama Shtattarynyń Bas konsýly Kerolaın Sevıdj qatysyp, jýrnalısermen kezdesý kezinde jalǵan aqparatpen kúrestiń mańyzyna toqtaldy.
«Jýrnalıs kez kelgen aqparatty jarıalaǵanda adamdardy adastyrmaý úshin jaýapkershilikti sezingeni jón. Odan bólek álemdegi tyń aqparatty tarata bil jýrnalıserdiń artyqshylyǵy dep bilemin. Pandemıa bastalǵaly koronavırýs pen vaksınaǵa qatysty dezınformasıa men konsperıalogıalyq aqparattardyń qalaı tez taraǵanyn barlyǵymyz kórdik. Ókinishke qaraı ol vırýsqa qaraǵanda tez tarady. Oǵan qosa Reseıdiń Ýkraınaǵa basyp kirýi men klımattyń ózgerýi jáne ózge de máselelerdi mysalǵa keltirýge bolady. Sol sebepten sizderdiń jumystaryńyzda muqıattylyq pen biliktiliktiń joǵary bolǵany mańyzdy»,-dedi Bas konsýl.
Almatydaǵy saltanatty keshte «Avrupa» medıaholdınginiń jetekshisi Vatan Óz Túrkitildes jýrnalıser qorynyń prezıdenti Nazıa Joıamergenqyzyn Eýropadaǵy túrki jýrnalıser asosıasıasynyń atynan «PRESS AWARDS-2022» syılyǵymen marapattady.
