Tiri bolsam, qazaqqa qyzmet etpeı qoımaımyn!

Álıhan Bókeıhan

Er adam túrmeden shyǵa sala 5 jastaǵy qyzdy zorlaǵan

23 mamyr 2024 653

54 jastaǵy resıdıvıs 5 jasar balaǵa jynystyq sıpattaǵy zorlyq-zombylyq jasaǵan. Bul týraly Alash.kz portaly habarlaıdy.

Sot pedofıldiń ótken jyldyń qarasha aıynda aýyr qylmys jasaǵanyn anyqtady. İs materıaldaryna sáıkes, aıyptalýshy qylmys ornynda ustaldy. Ol mas kúıinde balany qoıma artyna aparyp sheshindirip tastaǵan. Qylmyskerdiń bul áreketin kórshiler baıqap polısıa shaqyrǵan.

İstiń mán-jaıyn jáne jábirlenýshiniń jasyn eskere otyryp, sot prosesi jabyq esik jaǵdaıynda ótti. Sotta pedofıldiń kinási jábirlenýshiniń, kýániń aıǵaqtarymen, saraptama qorytyndysymen jáne zattaı dáleldermen áshkere boldy.

«Aýladaǵy kórshiler onyń kishkentaı balany qoqys jáshikteriniń artyna súırep aparǵanyn kórip, sol jerde oǵan birdeńe jasaı bastady. Polısıa shaqyrylyp, qylmysker qoldaryna tapsyryldy”,- dedi polısıa qyzmetkeri.

Prokýror Qylmystyq kodekstiń 121-babynyń 4-bóligi boıynsha «N»-ny 20 jylǵa bas bostandyǵynan aıyrýdy surady. Kámeletke tolmaǵan jábirlenýshiniń zańdy ókili men onyń qorǵaýshysy prokýrordyń pikirimen kelisken», - dedi Shymkenttegi qylmystyq ister jónindegi mamandandyrylǵan aýdanaralyq sotynyń sýdıasy Ábınur Qarabaev.

Belgili bolǵandaı, pedofıl buryn zorlaý, urlyq jáne esirtki zattary úshin sotty bolǵan. Er adam kolonıadan shyqqannan keıin birneshe kún ótken soń taǵy da zorlyq áreketterin qaıtalady.

Sotqa deıingi tergeý barysynda ol óz kinásin tolyq moıyndady.

Sot aıyptalýshyny kináli dep tanyp, 20 jylǵa qatań rejımdegi kolonıada óteý jazasyna kesti. Qaıtalap qylmys jasaǵan pedofıl birinshi satydaǵy sottyń sheshimine shaǵymdanýdy josparlap, aqtaý úkimin shyǵarýdy suraıdy.

Bul maqala týraly ne oılaısyz?