Kreml Reseı prezıdenti Vladımır Pýtınniń Soltústik Koreıaǵa saparlaıtynyn habarlady. Bul týraly Memleket basshysynyń baspasóz hatshysy Dmıtrıı Peskov TASS-qa málimdedi, dep jazdy Alash.KZ ulttyq portaly.
"Saparǵa daıyndyq júrip jatyr", - dedi Peskov. Alaıda ol sapar haqynda egjeı-tegjeıli tis jaryp eshteńe aıtqan joq.
2023 jyldyń qyrkúıeginde Soltústik Koreıanyń kóshbasshysy Kım Chen Yn Reseıge bardy. Pýtındi arnaıylap KHDR-ǵa shaqyrdy. Sodan keıin Peskov Prezıdenttiń shaqyrýdy "rızashylyqpen" qabyldaǵanyn habarlady. 2024 jyldyń qańtarynda ol Pýtınniń Soltústik Koreıaǵa sapary jaqyn arada bolýy múmkin dep málimdedi.
Pýtın sońǵy ret 2000 jyly Soltústik Koreıada boldy, sodan keıin Phenánda ol Kım Chen Ynnyń ákesi Kım Chen Irmen ákezdesti. Kelissózder qorytyndysy boıynsha qos memleket basshylary Reseıge nemese KHDR-ǵa qatysty agresıa qaýpi týyndaǵan jaǵdaıda "bir-birimen dereý baılanysqa túsýge" ýaǵdalasty.
