Tiri bolsam, qazaqqa qyzmet etpeı qoımaımyn!

Álıhan Bókeıhan

90 mln teńgeniń skaneri: "65235 áskerı bólimi" memleket qarajatyn nege ysyrap qylyp otyr?

17 mamyr 2024 417

Qorǵanys mınıstrliginiń «65235 áskerı bólimi» respýblıkalyq memlekettik mekemesi quny 90 mln teńgege jýyqtaıtyn skaner (89 200 000 tg, planetarlyq, basqarýy robottandyrylǵan) satyp almaq bolǵan.

Bul týraly «Ádildik joly» respýblıkalyq qoǵamdyq birlestiginiń Astana qalalyq fılıalynyń basshysy Darhan Quljambekov jazdy.

Qoǵamdyq birlestik ókiliniń jazýynsha, memlekettik satyp alý portalynda kúmán týǵyzǵan «saýda» boıynsha Sybaılas jemqorlyqqa qarsy qyzmetke habarlasyp, taýar quny naryqtaǵy baǵadan asyra kórsetilip otyrǵanyn anyqtaý maqsatynda shaǵym joldaǵan.

«Ádildik joly» RQB shaǵymynan keıin «65235 áskerı bólimi» RMM baǵany 89 mıllıon teńgeden 37 mıllıon teńgege deıin azaıtý týraly sheshim qabyldaǵan.

Planetarlyq skaner – kitaptar men tigilgen qujattardy skanerleý úshin paıdalanylatyn keskin skaneriniń túri. Ábden kónergen tarıhı qujattardy (túpnusqadan) óńdeýdi qajet etetin materıaldardy sıfrlandyrý úshin keńinen qoldanylady. Bul qurylǵy kóbine «kitap skaneri» dep atalady.

Bul maqala týraly ne oılaısyz?