Saltanat Núkenovanyń ólimine qatysty aıyptalýshy Bıshimbaevtyń sot otyrysy jalǵasyp jatyr. Astananyń qylmystyq ister jónindegi mamandandyrylǵan aýdanaralyq sotynda onlaın translásıa júrgizilýde, dep habarlaıdy Alash.kz.
Búgingi sot otyrysynda Bıshimbaevtyń óz meıramhanasynyń qyzmetkerleriniń arasynda jazysqan hattary oqyldy.
Meıramhana qyzmetkeri Danıar Meıirbekov Qarlyǵash atty adammen hat almasqany anyqtalyp, ne jazylǵany sot barysynda barshaǵa aıan bolady.
Bau meıramhanasynda jóndeý jumystaryn júrgizip jatqan jumysshydan jaýap alý kezinde Saltanat óltirilgen túni onyń meıramhana ákimshisimen hat-habary oqyldy. Tańǵy 6.35-te ol oryndalǵan jumystardyń sýretin jiberip, bylaı jazǵan:
«Jumystyń ekinshi bóligin istetpedi, Qýandyq oıran salyp jatyr».
Saǵat 6.57-de :
«Vıp-kany bas aıaǵynan tóńkerip tastady, áıeli tiri shyǵar dep úmittenem».
Keıin:
«Biz ketip qaldyq, ol sabap jatty ma, álde múlikti shaqty ma, áıteýir sumdyq boldy».
