Tiri bolsam, qazaqqa qyzmet etpeı qoımaımyn!

Álıhan Bókeıhan

"Ekologıalyq qaýipsizdikti qamtamasyz etedi". Maraldy aýylyndaǵy altyn óndiretin fabrıkaǵa ekologıalyq ruqsat berildi

14 sáýir 2024 181

Shyǵys Qazaqstan oblysy Kúrshim aýdanyndaǵy Maraldy aýylynyń mańaıyndaǵy altyn óndirý fabrıkasy úshin altyn ken ornyna ekologıalyq ruqsat alyndy.


9 sáýirde «GRK «Maralicha» JSHS-i Kúrshim aýdanyndaǵy Maralıhınskoe ken ornynda ónimdiligi jylyna 250 myń tonna altyn kenderin óndirýge qorshaǵan ortaǵa áserine ekologıalyq ruqsatyn aldy.

Ken Maraldy aýylynyń mańyndaǵy altyn óndirý fabrıkasynyń shıkizaty bolyp tabylady. Bul sheshimniń aldynda kompanıalar toby boıynsha birqatar qoǵamdyq tyńdaýlar ótkizilip, onda ken ornynyń yqtımal áseri jan-jaqty qarastyryldy.

Ekologıa, ónerkásip, gıdrogeologıa, tabıǵatty paıdalaný jáne jer qatynastary salalarynyń mamandary saraptamalyq qorytyndylaryn berdi. Olardyń barlyǵy qorshaǵan ortany qorǵaý sharalaryn saqtaı otyryp, jer qoınaýy ýchaskesinde ken óndirýge ruqsat etilgenin rastady. Kompanıalar toby jaqyn arada olardy júzege asyrýǵa kirisedi. 

Bul jobanyń shekaralas aýdannyń damýyna úlken serpin bereri anyq. Jalpy, kez kelgen ınvestısıalyq joba – eń aldymen qosymsha salyq ákeletin kóz, qosymsha jumys oryndary, óńirdiń órkendeý kózi.

Altyn óndirý fabrıkasynyń qurylysy bıznesti kóleńkeli ekonomıkadan shyǵaryp qana qoımaı, Maraldy aýylynyń turǵyndaryna da áleýmettik kepildikter beredi. Buǵan deıin «MARALICHA» taý-ken kompanıasy» JSHS atqarýshy dırektory Marat Asaýbaev kompanıa Maraldy aýylyndaǵy joldardy jóndeýge mindettenetinin aıtqan bolatyn.

– Sondaı-aq biz Qoıtastaǵy kópirdi qaıta jańartýdy, jergilikti mektepti materıaldyq-tehnıkalyq jaraqtandyrýǵa qarajat bólýdi, aýyldyq okrýg túlekterin joǵary oqý oryndary men kolejderde oqytýdy josparlap otyrmyz, – degen Marat Asaýbaev tyńdaýlardyń birinde.

Kásiporyn óz moınyna alatyn áleýmettik mindettemelerdiń qatarynda medısınalyq obektilerdi jóndeý, múgedekterge turǵyn úı alyp berý bar.

Kásiporyn qyzmetiniń zańdylyǵyn aımaq bıligi jiti qadaǵalaıtyn bolady. Jergilikti bılik, oblys basshylyǵy árdaıym qoldanystaǵy zańnama talaptarynyń qatań saqtalýyn, ekologıalyq qaýipsizdikti qamtamasyz etedi jáne halyqtyń múddesin basty nazarda ustaıdy.

Esterińizge sala ketsek, zaýyt qurylysyna 2022 jylǵy 26 shildede SHQO boıynsha ekologıa departamenti ruqsat bergen. Ol ruqsattyń merzimi 2022 jyldyń 31 jeltoqsanynda aıaqtaldy. Birqatar sebeptermen  zaýyt qurylysy ýaqytynda aıaqtalmady. Osyǵan baılanysty kásiporynǵa jańa ekologıalyq ruqsat alý qajet edi. «Maralıha» jáne «Maralıha ken alqaby» ken oryndaryndaǵy ónimdiligi jylyna 250 myń tonna kendi óńdeý fabrıkasy birinshi sanattaǵy obekt bolyp tabylady. 

Bul maqala týraly ne oılaısyz?