Tiri bolsam, qazaqqa qyzmet etpeı qoımaımyn!

Álıhan Bókeıhan

Ekinshi Jalpy qazaq-qyrǵyz sıezi búkil Alash balasyn biriktirip, óz aldyna avtonomıa etýge qaýly qyldy

09 mamyr 2024 190

SYRDARIA QAZAǴYNYŃ SIEZİ

Alash ordasy Syrdarıa qazaqtaryna mynadaı telegram berdi:

"Ekinshi Jalpy qazaq-qyrǵyz sıezi búkil Alash balasyn biriktirip, óz aldyna avtonomıa etýge qaýly qyldy. Bul týraly Túrkistan qazaǵymen kelisý úshin Alash ordasy 5-inshi ıanýarda Túrkistan shaharyna Syrdarıa oblysynyń sıezin shaqyrady.

Sıezge bolys basy bir ókil kelsin. Mustafa hám joldastary bul sıezdi 10-ynshy ıanýarǵa shaqyrǵan edi. Ony ózgertip, 5-inde bolsyn delindi.

Túrkistan qazaqtarymen sóılesýge Alash ordasy Baqytkereı Qulmanovty, Mıráǵqub Dýlatovty hám Týraǵul Qunanbaevty jiberedi.

Ýaqyt shuǵyl, másele zor bolǵandyqtan, shaqyrylǵan ókilder sıezge aıtylǵan kúnnen qalmaı kelýleri kerek.

Bul sıezge bolys basy bir kisiniń ústine myna kisiler arnalyp shaqyrylady: Baısyn aqsaqal Kóldeıuly, Iýsufbek Basyǵarauly, Ibrahım Qasymuly, Imanberdi aqsaqal, Sabyrqul Allabergenov, Máýlenqul Baızaqov, Aldıarbek Raqymqulov, Ázimhan Kenesarın, Muhamedjan Tynyshbaıuly, Erǵalı Qasymuly, Álmuhamed Kótibaruly, Sanjar Asfandıarov, Qońyrqoja Qojabekov, Serikbaı Aqaev, Ǵabdolrahmanbek Orazaev, Seıitjapar Baıseıituly, Qojahmet hám Ahmet Orazaı balalary, Sadyq Ótegenov, Zulqyrnaı Seıdalın, Aldabek Mangeldın, Mustafa Shoqaev, Áýez Dosboluly, Qaljan Qońyratbaıuly, Táshim Áıpeneuly.

Alashorda bastyǵy Bókeıhanov Álıhan,

Shoqaev Mustafa.

"Qazaq" gazeti, №255, jeltoqsan, 1917 jyl. Orynbor.

Derekkóz: Bókeıhan Álıhan Nurmuhameduly (1866-1937).

Shyǵarmalarynyń 9 tomdyq tolyq jınaǵy.7 tom.– Astana, 2013.

Alash.kz ulttyq portaly

Bul maqala týraly ne oılaısyz?