Tiri bolsam, qazaqqa qyzmet etpeı qoımaımyn!

Álıhan Bókeıhan

Dzúdodan top jarǵan qazaq qyzy juldyzdy jeńisin ata-anasyna arnady

11 mamyr 2024 944

Ǵalıa Tynbaeva dzúdodan Astanadaǵy Grand Slam týrnırinde top jardy. Sport sańlaǵy búgingi jarysty da qorytyndylap, qoldaý kórsetken jandar men jaqyndaryna sheksiz alǵysyn bildirdi, dep jazady Alash.KZ ulttyq portaly  Olympic.kz-ke silteme kórsete otyryp. 

"Osy jarystan medal alaıynshy dep tiledim. Kóbirek duǵa ettim. Qazaqstanda ótip jatqan soń, fınalǵa shyǵyp, altyn alsam dep armandadym. Bári sátti aıaqtaldy.

Búgingi qarsylastarymnyń bári de myqty. Al fınaldaǵy qarsylasym Sabına Gılázovany erekshe atap ótkim keledi. Tashkenttegi týrnırde de sol qyzdan jeńildim. Ekeýmiz ózara birneshe ret kezdestik. Búgin, mine, jeńis maǵan buıyrdy.

Maǵan qoldaý bildirgen jankúıerlerge, maǵan kómek qolyn sozǵan barlyq janǵa rahmet aıtamyn.

Búgingi jeńisimdi ata-anama arnaımyn. Qıyndyqta da, qýanyshta da qasymda bolǵan solar. Endi álem chempıonatyna daıyndalyp, sol jaqta da jaqsy nátıje kórsetýge tyrysamyn", - dedi Tynbaeva. 

Eske sala keteıik, Ǵalıa Tynbaeva fınalda Sabına Gılázovany (Reseı) jeńip, qazaq qyzdary arasynda tuńǵysh ret Grand Slam jeńimpazy atandy. 

Bul maqala týraly ne oılaısyz?