Onyń paıymdaýynsha, sporttyq sharalardan olıgarhtardyń shabarmandaryn shettetken jón.
Depýtat Týrızm jáne sport mınıstrinen olıgarhtarǵa qarsy kúsh-jigeri bar-joǵyn surady.
«Sport prosesinen olıgarhtardyń barlyq qolhatshylaryn alyp tastaý kerek. Qulybaev bar, onyń aınalasyndaǵy júrgenderdiń barlyǵy eldiń sportyna zıanyn tıgizip júr. Quzyrly mınıstrliktiń sporttaǵy olıgarhtardy qýyp jiberetin kúsh-jigeri bola ma? Olıgarhtar men onyń týystary, dostary ártúrli federasıalardy ashyp, Qazaqstan búdjetiniń qarjysynyń toz-tozyn shyǵardy», – dedi Saırov.
Májilis depýtaty otandyq sportqa búdjetten óte kóp qarajat bólinip otyrǵanyn, alaıda, bizdiń sportshylar kórshi ózbek pen qyrǵyzdardan qalyp qoıatynyn ashyq aıtty.
«Qazaqstan sportqa 1 mlrd dollar bóledi. Ortalyq Azıadaǵy basqa kórshilerimiz ondaı somany túsinde de kórmegen. Biraq olardyń reıtıńi joǵary. Osy qarjyny basqalar talan-tarajǵa salyp jatyr. Qazaqstannyń olımpıadalyq sportyna búdjetten ashy bólý kerek. Ulttyq sportty damytýǵa qarjy bólý kerek. Basqa federasıalar búdjetten tys isteı bersin. Biraq bizdiń memleketimizdiń qarjysy joǵarǵy jetistikke jetetin olıpıadalyq sportty damytýǵa ketýi kerek», – dedi ol.
Foto: parlam.kz
