Tiri bolsam, qazaqqa qyzmet etpeı qoımaımyn!

Álıhan Bókeıhan

Depýtat bolsańyzdar da bılikke talap etýge saýattaryńyz jetpeıdi - SADYRBAEV

09 sáýir 2024 297

You tube áleýmettik jelisinde jýrnalıs Jambyl Zeınollanyń júrgizýimen «Qasqa jol» baǵdarlamasynyń jańa sanyna qonaqqa kelgen keıipkerler eldegi sý tasqynyna baılanysty eksklúzıv pikirlerin aıtty, dep habarlaıdy Alash.kz.

«Shańyraq» qozǵalysynyń respýblıkalyq birlestiginiń tóraǵasy Almasbek Sadyrbaev pen QR parlament májilisiniń depýtaty Erlan Saırov sý tasqynyna baılanysty suhbat berip, ózara debatqa tústi.

Suhbat barysynda, Almasbek Sadyrbaev ashýlanyp, bıliktiń esh jumys istemeı otyrǵandyǵyn alǵa tartty.

Erlan Saırov ta «biz tek kabınette otyratyn adamdar emespiz» dedi.

Almasbek Sadyrbaev: Bizde júıe durys emes. Júıe durys bolýy úshin bizge kásibı parlament qajet. Kásibı parlamentte bilikti mamandar otyrý kerek. Kóterilgen máselelerdi úkimetke kózin shuqyp turyp aıtýy kerek.«Erlan, Maqsat, Aımaǵambetov.." Qalǵan júzi qaıda?Sondyqtan bul jaǵdaıdyń barlyǵyna tek atqarýshy bılikti kinálaýǵa bolmaıdy. Parlamenttiń de kinási bar. Bılik bolǵannan keıin barlyǵynyń kinási bar.

Erlan: «Myna kisi qyzyq... Bul jerde meniń de, seniń de kináń bar. Biz de el sekildi zarlap júrmiz.

Almasbek Sadyrbaev: Qoldaryńda statýstaryń bar, sonymen sizder bılikke talap etýlerińiz kerek. Argýmentterińiz joq bolsa, sizderdi úkimet elemeıdi.

Erlan Saırov: Sen ózińdi bizden bólme. Barlyǵymyz Qazaqstannyń azamatymyz.

Almasbek Sadyrbaev: Ereke, sen zań qabyldaýshy bıliksiń... Men ǵoı ol zarlap júrgen. Bılik te joq, túk te joq...

Sender talap ete almaısyńdar, talap etýlerińizge saýattaryńyz jetpeıdi. Sol parlamentte otyrǵan on jigitten basqasynyń saýaty jetpeıdi. Maqsat Tolyqbaı, Erlan Saırov, Aımaǵambetov, Baqytjan Bazarbek, Bolatbek Nájimeden syndy ókilderden basqa otyrǵandardyń esh paıdasy joq. Kásibı parlament bolmaı, bul elde eshteńe de túzelmeıdi»,-dedi Almasbek Sadyrbaev.

Bul maqala týraly ne oılaısyz?