«Darıǵa Nazarbaeva KTK telearnasyn satyp jatyr» degen qaýeset negizsiz emes, shyndyqqa aınala bastaǵanǵa uqsaıdy.
Bul týraly «BESsımptomno» Telegram-arnasy habarlaıdy.
Aqpannyń 28-i kúni Almatyda «Komersıalyq telearna» AQ aksıonerleriniń kezekten tys jalpy jınalysy ótedi.
Kún tártibi:
- 1) «KTK» AQ jarıalanǵan aksıalarynyń sanyn ulǵaıtý.
- 2) «KTK» AQ jarıalanǵan aksıalaryn shyǵarý prospektisine ózgerister engizý jáne ózgeristerdi ýákiletti organda tirkeý.
Birinshi kezdesý ótpese, ekinshisi 1 naýryz kúnine belgilendi.
«KTK» AQ jaı aksıalarynyń sanyn kóbeıtip, sol arqyly negizgi aksıonerlerdiń biriniń úlesin seıiltýi yqtımal. Iaǵnı, osylaısha KTK telearnasynyń menshik ıesiniń aýysýyna ákelip soǵýy ábden múmkin» delingen habarlamada.
«KTK» AQ-nyń negizgi aksıoneri – 91,35% aksıasy bar Darıǵa Nazarbaeva basqaratyn «Nursultan Nazarbaev qory» jeke qory.
Buǵan deıin habarlaǵandaı, Darıǵa Nazarbaevanyń 18 aqpanda Almatydaǵy KTK telearnasyna barǵany týraly aqparat bolǵan, biraq arnanyń ózi bul aqparatty joqqa shyǵardy. Odan keıin, Sergeı Kıselev «Eýrazıa» arnasynan ketip, «Habar» men KTK ıeleri de aýysady degen aqparat shyqty.
Derekkóz
