Tiri bolsam, qazaqqa qyzmet etpeı qoımaımyn!

Álıhan Bókeıhan

Bul jıyndar basqa jıyndardan ózgerek

17 qazan 2022 57
Rızzat Elýbaev,

halyqaralyq saıası sarapshy:

Elorda tórinde syrtqy saıası belsendilik tym joǵary bolǵanyn kórdik. Osyǵan qatysty qoǵamda da ártúrli oılar bar. «Mundaı jıyndardyń paıdasy qandaı? Barlyǵy kelip óz oıyn aıtty, biraq odan ne paıda bar?» degen birqatar paıymdar aıtylyp jatyr. Bul jıyndar ózge jıyndardan ózgerek. Sebebi aldyńǵy kezeńderde syrtqy saıası ahýal, taǵy da basqa jaǵdaılar ishki suranystar men ishki kózqarastarǵa sáıkes kelmeıtin edi. Al qazir Qazaqstannyń syrtyndaǵy geosaıası jaǵdaılar bul jıyndardyń mańyzdylyǵyn arttyrdy. Qaı memleket deldaldyq qyzmet atqarady, oǵan senim bar ma, saıası bedeli qandaı degen máseleler de saralandy. Astanada ótken samıtter aıasynda ańǵarsańyz, ekijaqty kezdesýler, oı bólisý óte kóp boldy. Mysaly, Túrkıa men Reseı prezıdentteri kelissózder júrgizdi. Qyrǵyzstan men Tájikstan basshylary keldi. Osy jıyndar arqyly ekijaqty kózqarastarmen shektelmegen memleketterge birin-biri tyńdaýǵa múmkindik paıda boldy. Iaǵnı, búgingi tańda samıt aıasyndaǵy is-sharalardan keıin mindetti túrde naqty sheshimder qabyldanatyny anyq.

Qazir kez kelgen halyqaralyq is-sharanyń qaı ýaqytta, qaı jerde ótetini óte mańyzdy. Búgingi tańda túrli memleketterdiń basshylarynyń Qazaqstanǵa kelýiniń ózi eldiń syrtqy saıasaty, halyqaralyq janjalǵa qatysty teńtarapty araqashyqty ustanymyn kórsetip otyr. Sonyń arqasynda basqa memleketter úshin dál osy aımaqqa erkin kelip, erkin oı almasýǵa múmkindik paıda boldy. Prezıdent Qasym-Jomart Toqaevtyń osyndaı ashyq pikir almasý alańdaryn qalyptastyrýǵa at salysty. Budan buryn Rım Papasynyń da kelgenin bilemiz. Onda da elimizdiń saıası yqpalyn arttyratyn qadamdar boldy.

 

 
Bul maqala týraly ne oılaısyz?