Qazaqstandyq bıznesmen Qaırat Boranbaevtyń ustalǵany habarlady. Bul týraly QazTAG pen Vlast.kz saıty habarlady.
QazTAG Boranbaevty qarjylyq monıtorıń agenttiginiń qyzmetkerleri ustap, tergeý ızolátoryna qamaǵanyn jazdy. Al Vlast.kz saıtynyń dereginshe. Boranbaevty Almaty qalasy qarjy monıtorıń departamenti jaýap alǵan.
Resmı organdar ázirge bul aqparatty rastamady da, joqqa da shyǵarǵan joq.
Qaırat Boranbaev - eldiń eks-prezıdenti Nazarbaevtyń qyzy Darıǵa Nazarbaevanyń burynǵy qudasy. Boranbaevtyń qyzy Alıma Boranbaeva Darıǵanyń uly Aısultan Nazarbaevqa (2020 jyly qaıtys bolǵan) turmysqa shyqqan. Keıin Aısultan men Alımanyń ajyrasyp ketken.
Boranbaev Forbes Kazakhstan reıtıńi boıynsha, Qazaqstandaǵy eń baı elý bıznesmenniń qataryna kiredi. Baılyǵy – 519 mıllıon dollar. Ol 2000-2002 jyldary "QazTransGaz" kompanıasynyń atqarýshy dırektory jáne "Intergas Central Asia" komersıalyq dırektory, 2006-2014 jyldary "QazRosGaz" kompanıasynyń bas dırektory boldy.
Boranbaev – Almatynyń "Qaırat" fýtbol komandasynyń ıesi. Fitnation fıtnes klýbynyń, "Rahat Palas", Comfort Hotel Astana qonaq úıleriniń ıesi, Esentai Mall, Esentai Tower bıznes ortalyǵyn, "Almaly" saýda ortalyǵyn, Latvıadaǵy Jurmala Golf Club & Hotel qonaqúıin seriktesimen bólisip basqarady. McDonalds tamaqtaný ornynyń Qazaqstandaǵy jáne Reseıdegi franchaızıń ıesi.
Onyń Brıtanıa, Chehıa, Reseıde qymbat úıleri bary da belgili bolǵan.
Boranbaev Qaraǵandydaǵy farmasevtıkalyq keshenin de baqylaıdy. Qazaqstan bıligi "Spýtnık V" ekpesin Qaraǵandy farmkesheninde shyǵarý úshin 15 mıllıard 175 myń teńge bólgen.
