Tiri bolsam, qazaqqa qyzmet etpeı qoımaımyn!

Álıhan Bókeıhan

Qazaqstannyń sıfrlyq jetistikteri 4 eldiń úkimet basshylaryna tanystyryldy

02 aqpan 2024 58
Jyl saıyn ótetin Digital Almaty forýmy aıasynda ozyq sıfrlyq jobalar kórmesinde sıfrlandyrý salasyndaǵy otandyq jetistikter usynyldy. Plenarlyq sesıa aldynda kórmemen Belarýs, Qazaqstan, Reseı jáne Ózbekstannyń úkimet basshylary tanysty.

Kórmede 300-den astam qazaqstandyq jáne halyqaralyq IT-kompanıalardyń, sondaı-aq GovTech, AgroTech, Indýstrıa 4.0, ESG, Smart City jáne t.b. sıaqty sıfrlandyrý salalaryndaǵy memlekettik organdardyń jobalary usynylǵan.

Úkimet basshylaryna QR memlekettik aqparat júıelerinde biryńǵaı standarttardyń saqtalýyn qamtamasyz etetin Qaztech platformasy jáne «taza paraqtan» kásipkerlik qyzmetti retteýdiń sıfrlyq negizi tanystyryldy.

Sonymen qatar qonaqtarǵa Almaty qalasynyń sıfrlyq servısteri, sondaı-aq taý-ken jáne metalýrgıa kesheninde, ónerkásip pen energetıka sektorynda, onyń ishinde memlekettik qoldaý quraldary esebinen Indýstrıa 4.0 jobalaryn engizý nátıjeleri kórsetildi. Atap aıtqanda, bul óndiristi basqarý prosesterin avtomattandyrýǵa, jabdyqtyń tozý deńgeıin tómendetýge jáne ónimsiz shyǵyndardy azaıtýǵa qatysty.

Ónerkásip jáne qurylys vıse-mınıstri Jannat Dúbirova respýblıkanyń ónerkásip kásiporyndarynda zamanaýı tehnologıalardy engizý týraly aıtyp berdi.
«Indýstrıa 4.0 – ónerkásip kásiporyndary men jer qoınaýyn paıdalanýshylarǵa sıfrlyq tehnologıalardy engizý arqyly óz shyǵyndaryn qysqartýǵa jáne ónimdiligin arttyrýǵa múmkindik beretin zamanaýı trend. Kórmede biz birqatar sıfrlyq jobalardy júzege asyrǵan taý-ken metalýrgıa kesheniniń birneshe kásipornyn usynyp otyrmyz. Memleket qoldaý sharalaryn kórsetý arqyly Indýstrıa 4.0 jobalaryn ilgeriletý boıynsha belsendi saıasat júrgizýde. Bul sondaı-aq bıznestiń osyndaı tehnologıalardy engizýge jumsaǵan shyǵyndaryn óteýge qatysty. Búgingi tańda 183 mln teńgeden astam qarajat óteldi, bul jumys jalǵasýda», — dedi ol.
Bul maqala týraly ne oılaısyz?