Tiri bolsam, qazaqqa qyzmet etpeı qoımaımyn!

Álıhan Bókeıhan

Qazaqstanda áıel sýdıalardyń sany er adamdardan 172 adamǵa kóp

02 aqpan 2024 45
Sýdıalardyń ortasha jas mólsheri – 46 jas, al eńbek ótili – 13 jyl. Bul týraly Joǵary sot keńesiniń tóraǵasy Denıs Shıpp Prezıdentpen kezdesýinde aıtty.

Onyń sózinshe, byltyr Joǵary sot keńesin ınstıtýsıonaldyq turǵyda kúsheıtý jáne sýdıa bolýǵa úmitkerlerdi daıyndaý, biliktiligin kóterý, olardyń shekti jasyn uzartý, ókilettikterin ýaqytsha toqtatý nemese múlde toqtatý máselelerin atalǵan organnyń quzyretine berilgen.

Sondaı-aq, ol Qasym-Jomart Toqaevqa Keńestiń sýdıalardy irikteý tártibin jetildirý, ashyqtyq pen tıimdilikti qamtamasyz etý jumystary týraly málimet berildi. Qabyldanǵan sharalardyń nátıjesinde jańadan taǵaıyndalǵan sýdıalardyń qataryn kóbeıtý úrdisi saqtalyp otyr. Byltyr sýdıa laýazymyna alǵash ret usynylǵan azamattardyń sany sot júıesinen ketkenderge qaraǵanda 32 adamǵa artyq boldy. Genderlik turǵydan áıel sýdıalardyń sany er adamdarmen salystyrǵanda 172 adamǵa kóp. Sýdıalardyń ortasha jas mólsheri – 46 jas, al eńbek ótili – 13 jyl.

İrikteý barysynda ashyqtyq pen jarıalylyqty qamtamasyz etý úshin konkýrs rásimderin onlaın-translásıa jasaý jáne onyń qorytyndysy týraly egjeı-tegjeıli túsinikteme berý tájirıbesi alǵash ret engizildi. Sonymen qatar ótken jyly Parlament Senatynyń qaraýyna engizý úshin Memleket basshysyna Joǵarǵy Sot sýdıalarynyń laýazymyna úmitkerler tizimi birinshi ret balama negizde usynyldy.

Budan bólek, aýdandyq sot tóraǵalaryn saılaý tártibine jańa elementterdiń engizilýine baılanysty Prezıdentke sýdıa laýazymy úshin kadrlyq rezerv jasaqtaý ınstıtýtynyń róli kúsheıtilgeni jóninde aqparat berildi.

Qazirgi tańda sheshim shyǵarý barysynda sýdıalardyń zańdy óreskel buzǵany úshin kúshi joıylǵan árbir sot aktisin Sot júrıiniń tekserý mehanızmin zań júzinde engizý jumystary júrgizilip jatyr.

Kezdesý sońynda Qasym-Jomart Toqaev sýdıalardyń táýelsizdigin kúsheıtýge jáne olardy sapaly túrde irikteýge baǵyttalǵan reformalardy tıimdi júzege asyrý jumystaryn jalǵastyrýdy tapsyrdy.
Bul maqala týraly ne oılaısyz?