Azamat Satybaldy Almaty qalasyndaǵy Júrgenov atyndaǵy qazaq ulttyq óner akademıasynyń rektory bolyp taǵaıyndaldy.
Qýanyshty habarmen Ulttyq mýzeı dırektory Arystanbek Muhamedıuly bólisti.
«Qurmetti dostar, tanymal kıno jáne teatr akteri, telejúrgizýshi, Qazaqstannyń eńbek sińirgen qaıratkeri Azamat Satybaldyny T.Q. Júrgenov atyndaǵy Qazaq ulttyq óner akademıasynyń rektory bolyp taǵaıyndalýymen shyn júrekten quttyqtaımyn!
Óner adamynyń taǵdyry erekshe!
Qalyń kórermen qaýym Azamatty teatr jáne kıno óneriniń damýyna ólsheýsiz úles qosyp júrgen daryny erekshe óner ıesi retinde tanıdy.
Stıven Kıngtiń «Tabysty adam men talantty adamnyń jalǵyz aıyrmashylyǵy – erinbeı eńbek etýinde» degen keremet sózi bar.
Biliktiligi men bilimin, iskerligi men jigerin oraıly ushtastyra bilgen Azamattyń qazaq óneriniń bolashaqtaǵy bet-beınesin qalyptastyratyn naǵyz kásibı mamandar daıyndaý baǵytynda barlyq qarym-qabiletin jumsaıtynyna senimim mol.Azamat Satybaldyulyn jaýapty qyzmetke taǵaıyndalýymen quttyqtaı otyryp, aldaǵy qyzmetine sáttilik jáne tabys tileımin!» dedi ol.
Eske salsaq, búgin Azamat Satybaldynyń Músirepov atyndaǵy balalar men jasóspirimder teatrynyń dırektory qyzmetinen ketken.
Ol bul qyzmetti 2018 jyldan beri atqardy.
