Tiri bolsam, qazaqqa qyzmet etpeı qoımaımyn!

Álıhan Bókeıhan

Aýrý, ári ashýly - Reseı Syrtqy ister mınıstrligi Pýtın týraly

30 mamyr 2022 77
 



Reseı syrtqy ister mınıstri Sergeı Lavrov fransýzdyq TF1 telearnasyna bergen suhbatynda prezıdent Vladımır Pýtınniń densaýlyǵynyń nasharlaýy týraly qaýesetti jalǵan aqparat dep atady.

Onyń aıtýynsha, Reseı basshysy kún saıyn jurtshylyq aldyna shyǵady. Ony ekrannan tamashalaýǵa bolady, dep habarlady Lenta.ru.

Lavrov TF1 jýrnalısiniń Eýropada memleket basshysynyń «aýyryp qalǵany, onyń bastapqy josparynyń oryndalmaı qalǵanyna ashýly» degen aqparat taraǵandyǵy týraly suraǵyna berdi.
«Meniń oıymsha, esi durys adamdar odan eshqandaı aýrý belgisin kórmeıdi. Men barlyǵyn mundaı qaýesetti taratqandardyń ar-ojdanyna qaldyramyn. Adamdar kúndelikti kimniń qandaı ekenin kóre alady» dedi Sergeı Lavrov.

Mamyr aıynyń basynda Lavrov Batystaǵy Pýtınniń densaýlyǵyna kúmándanatyndarǵa prezıdenttiń sheteldik qonaqtarymen, atap aıtqanda memleket basshysy kezdesken álemdik kóshbasshylarmen, sonyń ishinde BUU Bas hatshysy Antonıý Gýterrıshpen baılanysýǵa keńes berdi.

Naýryzda Belarýs prezıdenti Aleksandr Lýkashenko reseılik áriptesiniń jaǵdaıy burynǵydan da jaqsy ekenin aıtty. Onyń sózinshe, Pýtınniń densaýlyǵyna qatysty degen boljamdy málimetterdiń barlyǵy Batys elderi memleket basshysynyń senimine nuqsan keltirý úshin taratqan qaýeset.

Kremldiń baspasóz hatshysy Dmıtrıı Peskov Pýtın pandemıanyń búkil kezeńinde eshqashan koronavırýsty juqtyrmaǵanyn jáne ýaqtyly qaıta vaksınasıalanyp jatqanyn aıtty.

Eske salsaq, 24 aqpanda Pýtın Ýkraınada arnaıy áskerı operasıa júrgizý týraly sheshim qabyldaǵan bolatyn. Ýkraına prezıdenti Vladımır Zelenskıı elde áskerı jaǵdaı engizilip jatqanyn aıtty. Keıin ol Ýkraınanyń Reseımen dıplomatıalyq qarym-qatynasyn úzgenin habarlady.





Derekkóz
Bul maqala týraly ne oılaısyz?