Tiri bolsam, qazaqqa qyzmet etpeı qoımaımyn!

Álıhan Bókeıhan

Astanada bir páterde 937 adam turady

24 mamyr 2024 241

Astanada «rezeńke páterlerge» sheteldikter zańsyz tirkelgen. Tipti elordadaǵy bir páterge zańsyz túrde 937 adam tirkelgeni anyqtaldy, dep habarlaıdy Alash.kz saıty.  

Bas prokýratýranyń málimetinshe, prokýrorlar alty óńirde (Jambyl, Túrkistan, Soltústik Qazaqstan, Qaraǵandy oblystary, Almaty jáne Astana qalalary) prokýrorlar zańsyz kóshi-qon arnalaryn anyqtap, sotqa deıingi tergep-tekserýdi bastady.

«Mysaly, Qaraǵandy oblysynda HQKO, medısınalyq mekemeler men «kómekshiler» dep atalatyn qyzmetkerlerdi qamtıtyn qylmystyq toptyń jumysy toqtatyldy, olar aqsha úshin eńbek sharttaryn, medısınalyq anyqtamalardy qoldan jasap, turǵyn úıdi jalǵan tirkeýdi resimdegen. Qordaı aýdanynda Jambyl oblysy prokýratýrasynyń úılestirýimen 20 pákistandyqqa shekarany zańsyz kesip ótýdi uıymdastyrǵan Qazaqstan men Qyrǵyzstannyń úsh azamaty ustaldy.Olardyń biri mıgranttardy kólikpen jáne turǵyn úımen qamtamasyz etken jáne ol sottaldy, qalǵan ekeýine qatysty is sotqa joldandy (M esimdi azamat bas bostandyǵynan aıyrýǵa sottaldy, A jáne O esimdi azamattarǵa qatysty is sotqa jiberildi)», – dep jazdy Skifnews.kz aqparat portaly

Prokýrorlar jalǵan mekenjaılar boıynsha jáne «rezeńke páterlerde» tirkelgen 22 myń sheteldikti anyqtady. Astanadaǵy bir páterde sheteldikterdi qosqanda 937 adam tirkelgen, biraq onda bir ǵana otbasy turǵan. Almaty oblysynda osyndaı 13 myń fakti anyqtaldy.

Tekseris nátıjeleri boıynsha qujattardy qoldan jasaýǵa, shekarany zańsyz kesip ótýge, sot aktilerin oryndamaýǵa jáne basqa da buzýshylyqtarǵa baılanysty barlyǵy 42 sotqa deıingi tergep-tekserý bastaldy.

Bul maqala týraly ne oılaısyz?