Shymkentte asyrap alǵan balalaryna jaýyzdyq tanytyp, ıt pen mysyqtyń etin jegizdi degen emshi isine qatysty taǵy jańa derek shyqty, dep habarlaıdy Alash.kz ulttyq portaly QazAqparat qsaıtyna silteme jasap.
Búldirshinderdiń biri atalǵan otbasyǵa nebári 1,5 aılyǵynda qamqorlyqqa berilgen.
Shymkentte emshi kámelet jasyna tolmaǵan 6 balany 2021 jáne 2023 jyldary qamqorlyǵyna alǵan. Olardyń ekeýi sot sheshimimen áıeli ekeýiniń asyrandy balalary sanalsa, qalǵan tórteýi óziniń qamqorshylyq tárbıesinde bolǵan.
Balalardyń úlkeni - 2008 jyldyń sáýirinde dúnıege kelgen ul bala. 2021 jyldyń 7 shildesinde Shymkent qalalyq bilim basqarmasy basshysynyń №344 buıryǵymen emshige qamqorshylyqqa berilgen. 2021 jyldyń 12 qazanynda Shymkent qalasynyń kámeletke tolmaǵandardyń isteri jónindegi mamandandyrylǵan aýdanaralyq sotynyń sheshimimen jasóspirimdi emshi men onyń áıeli asyrap alǵan.
2021 jyldyń 17 mamyrynda týǵan qyz bala 2021 jyldyń 7 shildesinde Astana qalalyq bilim basqarmasy basshysynyń № 336 buıryǵymen qamqorshylyqqa berilgen. Emshi men onyń jubaıy 2023 jyldyń 30 qazanynda búldirshindi sot sheshimimen asyrap alǵan.
Úshinshi jáne tórtinshi perzent - 2021 jyldyń 26 mamyrynda dúnıege kelgen egiz ul men qyz. Egizder 3 aıǵa jeter-jetpes jasta 2021 jyldyń 18 tamyzynda Astana qalalyq bilim basqarmasy basshysynyń № 436 buıryǵymen emshige qamqorshylyqqa berilgen.
2020 jyldyń jeltoqsanynda dúnıege kelgen jáne 2019 jyldyń maýsymynda týǵan eki ul bala 2023 jyldyń 19 qyrkúıeginde Shymkent qalalyq bilim basqarmasy basshysynyń buıryǵymen qamqorshylyqqa berilgen.
Qalalyq bilim basqarmasy balalardy qamqorlyqqa berý jáne asyrap alý prosedýralary Bilim jáne ǵylym mınıstriniń 2020 jyldyń 24 sáýirdegi № 158 «Otbasy jáne balalar salasyndaǵy memlekettik kórsetiletin qyzmetter kórsetý qaǵıdalaryn bekitý týraly» buıryǵymen belgilengen tártippen júzege asyrylǵanyn alǵa tartty.
«2021 jyldyń 7 sáýirinde bilim basqarmasyna Shymkent qalasy Abaı aýdany Kókbulaq turǵyn alabynda turatyn azamattan jetim jáne ata-anasynyń qamqorlyǵynsyz qalǵan kámeletke tolmaǵan balalardy qamqorshylyqqa alý úshin kandıdat retinde respýblıkalyq derekter bankine esepke qoıý úshin tıisti qujattarymen ótinishi kelip tústi. Usynǵan qujattar basqarma qyzmetkerleri tarapynan zerdelenip tekserildi. Saraptama júrgizilip, ótinishte kórsetilgen mekenjaı boıynsha turǵyn úı-turmystyq jaǵdaıy týraly akt jasaldy. Joǵaryda atalǵan rásimderdiń oń nátıjesine baılanysty azamat jetim jáne ata-anasynyń qamqorlyǵynsyz qalǵan balalardy qorǵanshylyq jáne qamqorshylyqqa alý úshin kandıdat retinde respýblıkalyq derekter bankinde tirkeldi», - dedi basqarmadaǵylar.
Vedomstvo málimetinshe, belgilengen tártipke sáıkes, qalalyq bilim bóliminiń qorǵanshylyq jáne qamqorshylyq bóliminiń qyzmetkerleri 2021 jyldyń sáýir men maýsym aılarynda, 2023 jyldyń qyrkúıeginde emshiniń turǵyn úıiniń turmystyq jaǵdaıyna qosymsha tekserý júrgizgen.
